Apri il menu principale

C'l artìcul chè 'l è scrit in Miranduléś Emiliàn

«
Al settimo posto "Ostia" una canzone che racchiude in sé tutta la nostra vocazziòne e vi prego di spingerla con le cartoline, con i gettoni, al sesto posto "Il Diavoletto", „Eh, signora, scusi, cambierebbe un fustino in cambio di due?“ „No!“ „E vafammocca a chi t'e stramuort!“, al quinto posto "Corone" di Pietro e Paolo... Questa piace anche a me! ...entrata prepotentemente nelle classifiche dal ventesimo posto, vi ricordate? Si, si, si, ci ricordiamo, eh, mi piace, oh, al quarto posto ci sono tutti i "Dieci Comandamenti" fatti in versione mix, Figghiu..., sono un po' lunghini, ma vanno bene per le chiese discoteche, me li 'catto, dove i ragazzi si divertono come dei pazzi, me li compro, e noi siamo pazienti e siamo felici che i bambini e i ragazzi si divertono così pensate sempre a Lui, al terzo posto i "Bonzi Di Riace", una versione moderna di quella che fu il Cattolicesimo nel Trentatrettresimo secolo ma che adesso non va più, al secondo posto "Si Aprono Le Acque"... Figghiu..., ...un brano bellissimo che voi tutti conoscete e che è diventato un best seller in tutte le nostre diocesi, minchiamix, e al primo posto, vorrei uno stacchino del nostro regista eeh..., Eh, ci ripara la gomma intanto dopo lo stacchino?, ...Marzapane... eeh "Gesù Cristo Superstar" che da 43 anni, come voi sapete, è primo in classifica, eh, e chi lo toglie per deferenza? Eh, a me lo dici?, ma prima dell'assoluzione a voi senza recchia che avete fatto molti peccati in settimana, vi do l'assoluzione ma prima due penitenze, piccole ma severe: prendetevelo “olucni” tre volte al giorno senza formaggio e poi vi pigliate un polpettone la sera verso le quattro del pomeriggio.»
(IT)(Fragolone DJ, 1984)
«
A 'l sètim pòst "Òstia" na canta ch'la gh'à dèntar tuta la nòstra vucasiòṅ e a v dmand par piaśēr ad cuciàr-l' in élt c'n al cartulìni, c'n i getòṅ, a 'l sèst pòst "Al Diavulèṅ", „Eh, sgnōra, la gh'à da scuśàr-um, cambiarév-'t un fustèṅ a 'l pòst ad dū?“ „No!“ „Ma và a dar-'l in bóca a i tò mòrt!“, a 'l quìnt pòst "Curóni" ad Pirèṅ e 'd Pàvel... qvésta chè la m piàś anc a mè! ...rivàda a tuta in dal clasìfichi da 'l vintéśum pòst, arcurdâ'v? Sè, sè, sè, a 'rcurdém, eh, la m piàś, oh, a 'l quàrt pòst a gh'è tut i "Déś Cumandamènt" fat in versiòṅ mix, Fiōl..., i èṅ un cicinèṅ lung, ma i vànan bèṅ p'r al céśi discutéchi, a i tóg, in dua i ragàs i s divertìsan cuma di mat, a i còmpar, e nuàt'r a sém pasiènt e a sém cuntènt ch'i putèṅ e i baghét i s divertìs'n acsè a pinsâ sèmp'r a Lò, a 'l tèrs pòst i "Bónś Ad Riàce", na versiòṅ mudèrna 'd qvéla ch'l è stâ 'l Catulicéśum in dal Trentatrettréśum sècul ma ch'adès a n và piò, a' l secónd pòst "I s Vèran gl'Àqui"... Fiōl..., ...un braṅ dimóndi bèl che tut vuàt'r a cgnusî e ch'l è dvintâ 'n best seller in tuti 'l nòstri dióceśi, bégamix, e a 'l prim pòst, a vrév un stachèṅ dal nòstar regìsta eeh..., Vê, s mitî'v a pòst la guma in cal méntar dòp al stachèṅ?, ...Marśapaṅ... eeh "Geśù Crist Superstar" che da 43 an, cum a saî bèla, 'l è prim in clasìfica, eh, e chi 'l al léva da 'd lè par rispèt? Vê, a mè m al dì't?, ma prima dal pardòṅ par vuàtar ch'a n scultâ mia e ch'a î fat dimóndi pcâ durànt la stmana, a v dag al pardòṅ ma prima dū peniténsi, pìculi ma sevēri: ciapâ'l “lûcladni” tri vòlti a 'l dè sénsa furmàj e pò a v tulî 'n pulptòṅ la sira vèrs quàt'r óri dal dòpmeśdè.»
(MUD)
Daniele Pace in dal film Arrapaho dal 1984


I Squallor i èṅ stâ 'n grup muśicàl itagliàṅ mis in pē in dal 1969 a Milàṅ e ch'l à fat di disc in fiṅ a 'l 1994. Al sò gènar 'l éra la mùśica 'd cretinìśia 'd aṿtōr, misćiàda a 'l caséǵ, a 'l nonsense, a 'l tòlti in gir e a 'n linguaǵ śbucâ. In dla sò caréra i aṅ fat vgnir fóra quatórdas àlbum in studi, par tri vòlti i sò lavōr i èṅ finî in dla Top Ten itagliàna, e vindû dū migliòṅ ad còpi.

Dal grup i aṅ fat part di discugràfic, di prudutōr, di parulēr e di sunadōr cuma Daniele Pace (mòrt in dal 1985), Totò Savio (dit "al Mìstar", aṿtōr dal mùśichi e di arangiamènt, cantànt di braṅ in napulitàṅ, mòrt in dal 2004), Giancarlo Bigazzi (mòrt in dal 2012), Alfredo Cerruti (la "vóś ch'la dascurìva") e Elio Gariboldi (mòrt in dal 2010) che però 'l à sunâ sōl in dal prim disc, Troia.

Àtar culaburadōr i èṅ stâ Gianni Boncompagni (vóś in dal braṅ Vacca), Gigi Sabani (vóś in di pès Albachiava a la manéra 'd Vasco Rossi, Preservame Atù cumpàgn a Julio Iglesias e Filumena) e Red Canzian di Pooh (rudgàdi).

Da drē di Squallor i s lugàvan di sunadōr ch'i ìvan scrit e i scriv'ràṅ di pès p'r i più impurtànt cantànt itagliàṅ cuma Nessuno mi può giudicare e Sono bugiarda dla Caterina Caselli, Io tu e le rose dl'Orietta Berti, Meglio libera, E la luna bussò e In alto mare dla Loredana Berté, A far l'amore comincia tu e Tanti Auguri dla Raffaella Carrà, Sarà perché ti amo di Ricchi e Poveri, Erba di casa mia ad Massimo Ranieri, L'aria del sabato sera e Maledetta primavera dla Loretta Goggi, Cosa hai messo nel caffè ad Riccardo Del Turco e 'd Antoine, Lisa dagli occhi blu ad Mario Tessuto, Montagne verdi dla Marcella, Gloria 'd Umberto Tozzi, Self control ad Raf, Si può dare di più ad Gianni Morandi, Umberto Tozzi e Enrico Ruggeri, Gente di mare 'd Umberto Tozzi e ad Raf, Perché lo fai ad Marco Masini, Gli uomini non cambiano dla Mia Martini e Cuore matto ad Little Tony.

A 'l inìsi di an Utànta i Squallor i aṅ anc recitâ in dū film ad Ciro Ippolito, Arrapaho dal 1984 e Uccelli d'Italia dal 1985, dū òpri ch'i aṅ fat sù da piò ad sinc migliàrd ad franc.

Discugrafìa

Àlbum

Racòlti

Culegamènt estéran