C'l artìcul chè 'l è scrit in Miranduléś Emiliàn


«
Spegni quella luce, chiudi quella porta, usciamo. Stammi più vicino, prendimi per mano, parliamo. Riproviamoci, a sognare un po', a sorridere, non dir di no. Tutta per noi la sera sarà, se piove che fa, le gocce su noi son coriandoli se tu vuoi, se tu sei qui con me. Solo per noi una giostra che va, se è tardi che fa, le luci nel blu son coriandoli se vuoi tu, se tu sei qui con me.»
(IT)(Coriandoli su di noi, 1975)
«
Śmòrsa cla luś lè, sèra 'l us, andém fóra. Stà-'m più davśèṅ, tó la mè maṅ, dascurém. Pruvém-ag incóra, a sugnàr un pôc, a rìdar, minga dir ad nò. La sira la sarà tuta par nuàtar, s'a piōṿ cuśa sucéd, al gósi in sima a nuàtar i èṅ di curiàndui s'at vō tè, s'at sē chè mèg. Sōl par nuàtar na gióstra ch'la và, s'l è tard cuś a sucéd, al luś in dal blù i èṅ di curiàndui s'at vō tè, s'at sē chè mèg.»
(MUD)
I Ricchi e Poveri tòlt śò in dal 1985

I Ricchi e Poveri (I Ric e i Pòvar) i èṅ un grup muśicàl genuéś mis in pē in dal 1968.

Cun da piò ad 20 migliòṅ ad disc vindû, in di an Stanta e Utànta, i aṅ fat dvintàr soquànt di sò sìngui di sucès bèi grôs in di marcâ itagliàṅ e furastér. I aṅ cuncùrs par l'Itàglia in dl'Eurovision Song Contest dal 1978 (cun la canta Questo amore, C'l amōr chè) e i èṅ andâ dimóndi vòlti a 'l Fèstival ad Sanrémo rivànd dū vòlti secónd (in dal 1970 cun La prima cosa bella, Al prim quèl bèl, e in dal 1971), na vòlta quìnt (in dal 1981) e na vòlta prim, in dal 1985 cun la cansòṅ Se m'innamoro (S'a m inamōr).

I sò braṅ più famóś e cgnusû ad tut i èṅ pròpria dū ad quéi cantâ in sal palc sanreméś: Che sarà (Cuś a sarà) dal 1971 e Sarà perché ti amo (A sarà parchè a t vój bèṅ) dal 1981, quésta chè cantàda anc in spagnōl par la mesicàna Thalía. A gh'è anc da dir che soquànt di sò pès i èṅ stâ sarnî cuma siggli ad traśmisiòṅ televiśìvi pupulàri, cuma Coriandoli su di noi (Curiàndui in sima a nuàtar), Mamma Maria (Mama Marìa), Come vorrei (Cum a vrév) e Piccolo amore (Amōr pìcul).

Biugrafìa

Al grup lìgur al nas miténd insém dū cantànt masć (Franco Gatti nâ al 4 'd Utóbar dal 1942 e Angelo Sotgiu nâ al 22 ad Favràr dal 1946) e dū cantànti fémni (la bruna Angela Brambati nada al 20 'd Utóbar dal 1947 e la biónda Marina Occhiena nada al 10 ad Mars dal 1950). Tut i mémbar i èṅ di Genuéś a part Sotgiu c'l è 'n sardagnōl.

In di prim tèmp i quàtar i ś vistìvan anc in na manéra tuta sua par dar valōr a 'l nóm ch'i s éran sarnî: dū da strasàr e dū da burghéś.

In dal 1981 la Marina la lasa 'l grup par di scas cun l’Angela. A s vèṅ a savér che la biónda l'iva fargâ ad nascòst 'l óm a cl'atra.

A cal punt lè al grup al cuntìnua listés cun sōl tri cumpunènt.

Discugrafìa

Àlbum

  • 1970 Ricchi e Poveri
  • 1970 L'altra faccia dei Ricchi e Poveri
  • 1971 Amici miei
  • 1971 Che sarà
  • 1971 Con l'aiuto del signore racòlta
  • 1972 Un diadema di successi
  • 1973 Concerto live dal viṿ
  • 1974 Penso sorrido e canto
  • 1976 Ricchi & Poveri racòlta
  • 1976 I musicanti
  • 1978 Ricchi & Poveri racòlta
  • 1978 Questo amore
  • 1980 Ricchi & Poveri racòlta p'r al marcâ spagnōl
  • 1980 Come eravamo
  • 1981 E penso a te
  • 1982 Mamma Maria
  • 1983 Voulez vous danser
  • 1983 Ieri e oggi racòlta
  • 1986 Dimmi quando
  • 1987 Pubblicità
  • 1987 Canzoni d'amore racòlta
  • 1988 Nascerà Gesù
  • 1988 Ricchi & Poveri racòlta
  • 1990 Buona giornata e...
  • 1990 Una domenica con te
  • 1992 Allegro Italiano
  • 1994 I grandi successi racòlta
  • 1994 I più grandi successi racòlta
  • 1994 Los grandes exitos racòlta p'r al marcâ spagnōl
  • 1999 Parla col cuore racòlta cun soquànt braṅ nóṿ
  • 1999 Friends racòlta p'r al marcâ americàṅ
  • 2001 I grandi successi originali racòlta

Culegamènt estéran