Spawn
|
C'l artìcul chè 'l è scrit in
Miranduléś |
 Spawn
| ||
.png) Sheen e D.B. Sweeney in na figùra dal film | ||
| id. 1997 | ||
|---|---|---|
| Regìa: Mark A.Z. Dippé | ||
| Scritōr: Todd McFarlane Alan B. McElroy • Mark A.Z. Dippé | ||
| Atōr: Michael Jai White • John Leguizamo Martin Sheen • Theresa Randle • D.B. Sweeney Nicol Williamson • Melinda Clarke • Miko Hughes | ||
| Müsica: Metallica • Incubus • Marilyn Manson Silverchair • The Prodigy • KoЯn • Mansun Slayer • Henry Rollins e àt'r incóra | ||
| Léngua: Ingléś | ||
| Dürä dal film: 96 minüt | ||
| Nasiōṅ: Stat Unî | ||
Spawn (id.) 'l è 'n film fantàstic americàṅ dal 1997 ad Mark A.Z. Dippé trat da 'l fumét umònim dl'Image Comics creâ par Todd McFarlane ch'al 'l à anc prudót.
Custâ quarànta migliòṅ ad dòlar, al 'n à pò muciâ sù da piò 'd utànta-sèt.
Sunt
Al Simmons (Michael Jai White) 'l è 'n sasèṅ ad mistēr ch'al lavóra p'r al guèran di Stat Unî. Durànt na misiòṅ in dla Curèa dal Nòrd al vèṅ masâ p'r al sò cap Jason Wynn (Martin Sheen) e p'r al sò bras dèstar, la Jessica Priest (Melinda Clarke). Wynn al libra pò in dl'ària un vìrus par védar 'l efèt ch'al fà in sla gint dal pòst.
Subìt dòp la mòrt Simmons al finìs a 'l Infèran e lè al dèmun Malebolgia al gh śibìs un pat: in cambi 'd un viàś in sla Tèra par parmét'r-ag ad véd'r incóra la sò dóna, la Wanda Blake (Theresa Randle), lò al gh'arév da purtàr sèg al trupi infernàli in fiṅ davànti a la pòrta dal Paradìś. Simmons al gh astà ma 'l sò còrp adès 'l è tut dasfurmâ e pîṅ ad braśadùri, difìcil arcgnós'r-al. Turnâ in dal paéś in du al vivìva, quànd al vèra 'l us ad cà al véd però la sò muróśa far la daśnumóśa c'n al sò amìg più grand, Terry (D.B. Sweeney). I èṅ pasâ sinc an da quànd 'l è mòrt e i dū i s èṅ in cal méntar mis insém avénd abû anc na fiōla, la Cyan (Sydni Beaudoin).