C'l artìcul chè 'l è scrit in Miranduléś Emiliàn

Soulkeeper
Soulkeeper

Walls e Rowland in na figùra dal film
Al custōd 'd anmi
2001
Regìa: Darin Ferriola
Scritōr: Darin Ferriola
Atōr: Rodney RowlandKevin Patrick Walls
Robert DaviTom Lister Jr.Brad Dourif
Karen BlackWilliam BassettKeith Coogan
Jaime BergmanVincent BerryLowell Dean
Cindy DaySteffiana De La CruzJack Donner
Müsica: Kevin Saunders Hayes
Léngua: Ingléś
Dürä dal film: 105 minüt
Nasiōṅ: Stat Unî


«
Al mâł 'l è inśōrd dla tò anma.»
(Tagline dal film)


Soulkeeper (Al custōd 'd anmi) 'l è 'n film ad scarésa dal gènar fantàstic dal 2001 scrit e dirèt par Darin Ferriola.

Sunt

Corey Mahoney (Rodney Rowland) e Terrence Christian (Kevin Patrick Walls) i èṅ dū làdar ch'i faṅ dal rubarìi par cònt dal sò cap "Mr M", un tisi ch'al n s fà mai védar. Dòp avér fargâ 'l capèl a silìndar 'd Abraham Lincoln durànt na ricustrusiòṅ dla Guèra 'd secesiòṅ americàna però al sò boss al i lasa a cà e lōr i finìs'n in buléta sparàda parchè Christian 'l à spéś tut i sò bèsi cumprànd na làpid nóva e “rock” par la tómba 'd sò màdar méntar Mahoney 'l à pardû incòsa śugànd a la roulette.

Na sira, mént'r i èṅ in un bar a bévar quèl, i cgnósan dū ragàsi dimóndi bèli ch'i gh śibìsan 'd andàr sèg da 'n sèrt Pascal (Brad Dourif). Pagànd-i chi lò al gh admànda 'd purtàr-ag la préda 'd Làśar 'd Betàgna, un giaròṅ mis in na cadnìna ch'l è bòṅ ad daśdàr i mòrt. Par far-'l i gh'aṅ da catàr un tisi ciamâ Frederick Finch che però 'l è a 'l campsànt. Da la sò fòsa i dū ragàs i tìran sù di artàj 'd giurnài in du a s dascór ad gint mòrta masàda soquànt an prima. Cun 'l ajùt dal sò amìg Tommy Lister dit Tiny (Tom Lister, Jr.) a salta fóra ch'a s trata 'd làdar, barbòṅ, putàni, praticamènt dal parsòni ch'i n gh ciàva gnint a ninsòṅ.

Terrence al próa a 'ndàr-'g a fónd e su 'n lìbar pîṅ ad pólvra pascâ in bibliutéca al lèś la stòria 'd un stregòṅ samaritàṅ ciamâ Simon Magnus ch'al cardìva 'd ès'r al fiōl ad Dio ma 'l dascurìva dal mâł e 'l tgniva adrē a 'l pcâ, tut qvèi cunfermâ da Mallion (Robert Davi), 'n óm ch'al sà incòsa dla religiòṅ. In séguit Corey e Terrence i càt'n un ragàs (Vincent Berry) ch'al gh diś 'd èsar Finch rincarnâ.

Culegamènt estéran