Sguardi di fuoco
|
C'l artìcul chè 'l è scrit in
Miranduléś |
 Firehead
| ||
| Sguardi di fuoco | ||
 Brett Porter in na figùra dal film | ||
| Uciàdi 'd fōg 1991 | ||
|---|---|---|
| Regìa: Peter Yuval | ||
| Scritōr: Peter Yuval • Jeffrey Mandel | ||
| Atōr: Brett Porter • Chris Lemmon • Martin Landau Christopher Plummer • Gretchen Becker • Kyle Weir George Elliot • Edmund Kearney • Lauren Levy Ralph Sims • Douglas Simms • Eugene Walters | ||
| Müsica: Vladimir Horunzhy | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
Sguardi di fuoco (Uciàdi 'd fōg), cgnusû in Itàglia anc c'n al tìtul ad Forza di fuoco, 'l è 'n film fantasientìfic dal 1991 da Peter Yuval ch'al 'l à anc scrit insém a Jeffrey Mandel.
'L è stâ girâ a Mobile in Alabàma.
Sunt
Estògna, 1988. Davànti a 'l prutèsti dal pòpul cónt'r al regìm suviètic, 'l agìnt Ivan (Brett Porter), ch'al gh'à di putēr ad téle-cinéśi ch'al pōl sparàr dal fōg da i òć, al s rifiùta ad cumbàtar la gint e 'l decìd 'd andàr a star in un paéś demucràtic.
Rivâ in di Stat Unî al taca a far di dan a soquànti fàbrichi e 'l fòrsi d'l órdan i tàc'n a ciamàr-al „Tèsta 'd Fōg“. Al culunèl Vaughn (Christopher Plummer) al dmanda a 'l siensiâ Warren Hart (Chris Lemmon), chìmic ch'al lavóra par 'l Istitùt Nasiunàł dla Salùt e ch'l è 'l pàdar dna ragasōla ciamàda Smith (Lauren Levy), ad ciapàr-al laurànd insém a l'agìnta speciàla Meila Buchanan (Gretchen Becker).
Warren e 'l pulisiòt Taggart (Douglas Simms) i próan a farmàr-al ma Ivan al Rus al cuntìnua in di sò sabutàǵ. Al siensiâ, dòp avēr dascōrs cun 'l amiràj in pensiòṅ Franklyn D. Pendleton (Martin Landau), al fà di indàśin lśénd soquànti infurmasiòṅ da i computer dal guèran e 'l vîṅ a savēr che Ivan 'l è drē a dar adòs a dgl'indùstri ch'i ìvan fat di cuntràt c'n al segretàri dla diféśa Fullbright (George Elliot) e che Vaughn, ch'al lavóra par lò, 'l è a cap dn'urganiśasiòṅ segréta ciamàda „Órdan Suprèm“.