Sex Crimes 3

C'l artìcul chè 'l è scrit in Miranduléś Emiliàn

Video-x-generic.svg Wild Things:
Diamonds in the Rough
Sex Crimes 3
Sex Crimes 3.png
La Sandra McCoy in na figùra dal film
Crìmin ad Sès 3
2005
Regìa: Jay Lowi
Scritōr: Stephen Peters
Andy Hurst • Ross Helford
Atōr: Serah D'LaineBrad Johnson
Sandra McCoyMichael MantellClaire Coffee
Van EppersonRon MelendezDina Meyer
Nikki GriffinLinden AshbyTerrell Clayton
Müsica: Steven M. Stern
Léngua: Ingléś
Dürä dal film: 87 minüt
Nasiōṅ: Stat Unî


«
Al catìvi ragàsi i vōlan sōl divertìr-as.»
(Tagline dal film)


Sex Crimes 3 (Crìmin ad Sès 3) 'l è 'n film thriller dal 2005 ad Jay Lowi vgnû fóra diretamènt p'r al marcâ d'l home video. La pelìcula, giràda in Califòrgna, la tōś spunt da 'n film dal 1998, Sex Crimes - Giochi pericolosi, e da 'l sò séguit Sex Crimes 2 dal 2004.

Sunt

La studènta universitària Marie Clifton (Serah D'Laine) l'ereditarà dū diamànt, ciamâ „màdar“ e „fiōla“, che sò màdar la gh'à lasâ prima 'd murìr ma ch'adès in èṅ custudî par 'l óm che la dóna l'à spuśâ in séguit, Jay (Brad Johnson). Chi lò al n è mia 'd acòrd ad lasàr-'g-i e la śōvna la s arlìa dimóndi.

A 'n seminàri sculàstic 'd educasiòṅ susuàla, al dutōr Chad Johnson (Ron Melendez) e l'agìnta Kristen Richards (Dina Meyer) i dascór'n ad viulénsa sesuàla e la dóna la cònta 'd èsar stada vitma 'd un stupradōr soquànt an prima mént'r adès la tîṅ adrē a dal parsòni in libertà vigilàda cuma l’Elena Sandoval (Sandra McCoy), „ragàsa di sugamàṅ“ a la fèsta di daśdòt an in pisìna dla Marie che però la n s la cumpatìs pròpria minga, specialmènt parchè l'è na puvràsa. Jay però al la véd in n'atra manéra e al l'invìda a cà sua esénd na bèla ragasōla.

Al dè dòp l’Elena la 'l denùnsia a la pulisìa dgénd che 'l óm al l'à viluentàda, a gh'è anc al dutōr Johnson ch'al pōl testimuniàr par lē dòp avēr-la viśitàda. La Richards e 'l sò culéga detective Michael Morrison (Linden Ashby) i tîn'n adrē a 'l caś. La Marie la créd che l’Elena la 'l faga sōl p'r i bèsi, ch'la s sia invintàda incòsa p'r incastràr-al, e la sugerìs dònca a 'l marè 'd sò màd'r ad pagàr-la vindénd i diamànt esénd lò in buléta par di afâr imubiliàr andâ mâł.

Jay 'l è custrét a firmàr al carti par lasàr i diamànt a la fiōla che però dòp a s vîṅ a savēr èsar l'amànta dl’Elena. Insém i aṅ strulgâ 'n piaṅ par fargàr-al cun 'l ajùt dal dutōr Johnson, tirâ dèntar c'n un pôc ad sès a tri e cun la prumésa 'd spartìr i bèsi di diamànt. Quànd però Morrison al taca a 'vēr di suspèt su 'l mèdag, chi lò al decìd ad scapàr via rubànd i diamànt. La Marie però la gh cur adrē insém a l’Elena e la 'l masa in dal bòsc.

Culegamènt estéran