Se lo fai sono guai
|
C'l artìcul chè 'l è scrit in
Miranduléś |
 Se lo fai sono guai
| ||
 La Diaz, la Weber e Fabrizi in na figùra dal film | ||
| S't al fà i èṅ di guàj 2001 | ||
|---|---|---|
| Regìa: Michele Massimo Tarantini | ||
| Scritōr: Pietro Innocenzi • Luciano Martino Michele Massimo Tarantini • Giuseppe Moccia | ||
| Atōr: Lucilla Diaz • Stefano Fabrizi • Alvaro Vitali Gianfranco D'Angelo • Alvaro Vitali • Michele Gammino Maurizio Mattioli • Justine Mattera • Max Parodi Ela Weber • Giampiero Galeazzi • Clelia Rondinella Stefano Masciarelli • Loretta Rossi Stuart Tommaso Zevola • Mario Improta • Rocco Ciarmoli Mario Scaletta • Enio Drovandi • Romano Malaspina | ||
| Müsica: Claudio Simonetti | ||
| Léngua: Itagliàn • Napulitàṅ | ||
| Dürä dal film: 98 minüt | ||
| Nasiōṅ: Itàglia | ||
Se lo fai sono guai (S't al fà i èṅ di guàj) l'è na cumèdia itagliàna dal 2001 ad Michele Massimo Tarantini giràda a Ìschia.
Sunt
L'ìśula 'd Ìschia l'è in fèsta parchè l'è la sagra 'd San Ginepro e 'l cardinàł Anselmi (Romano Malaspina) 'l è drē a rivàr par dar di fónd a 'l cunvènt ad Fra Girolamo (Enio Drovandi) e ad Fra Lucio (Lucio Montanaro). In sità l'è però péna rivàda a far dal caśèṅ la braśigliàna Rita (Lucilla Diaz) ch'la lavóra in dal night dal milanéś Alfredo Scognamiglio (Stefano Masciarelli) in dua la gh'à da cavàr-as śò par far cuntènt i sò cliènt. Al boss Pascià al gh'à butâ gl'òć adòs e ch'al la vōl a tut i còst par lò, ma purtròp a s dà 'l caś ch'a lē i budlòṅ i n gh piàśan briśa e dònca la gh diś ad nò. Da cal mumènt lè lē la gh'à da scapàr via da sò i óm, Arnaldo Lo Cascio e Michele Ferrantino.
Par lugàr-as da lōr la dóna la dmanda ajùt a tut i óm ch'i gh s pàran davànti cuma 'l becamòrt sicigliàṅ Carlo Nascimbene (Michele Gammino), spuśâ cun la Giulia (Loretta Rossi Stuart), al fiuràr Mauro (Stefano Fabrizi) e 'l cirùśig d'l uśdàł (Gianfranco D'Angelo) ch'al lavóra insém a n'infarméra tedésca (Ela Weber) e a 'l dutōr Marco (Mario Improta), 'l ùnic ch'a piàś dabòṅ a la braśigliàna tant ch'la n gh pénsa minga dū vòlti a gusàr-'s-'l in dal cunvènt. A s pōl pròpria dir che c'n al téti e c'n al cûl ch'la gh'à la n fà minga fadìga in cal còmpit lè.
Mauro 'l è 'n femnàr ch'al pénsa sōl a cur'r adrē a 'l stanèli ad cal dóni e al mét i còr'n in cuntinuasiòṅ a la sò spóśa Franca (Stefania Corona), cuma cun la mujér 'd un raśunēr (Rocco Ciarmoli) sò cliènt. Quànd la Rita la finìs da lò, Mauro al la lóga in dla sèra ma cal guardòṅ d'l anvōd ad sò mujér (Alvaro Vitali) 'l al bèca sèmpar.