Scary Movie 3 - Una risata vi seppellirà
|
C'l artìcul chè 'l è scrit in
Miranduléś |
 Scary Movie 3
| ||
| Scary Movie 3 - Una risata vi seppellirà | ||
 La Anderson e la McCarthy in na figùra dal film | ||
| Film ad Scarésa 3 - Na ridùda la v saplirà 2003 | ||
|---|---|---|
| Regìa: David Zucker | ||
| Scritōr: Craig Mazin • Pat Proft | ||
| Atōr: Anna Faris • Charlie Sheen • Leslie Nielsen Simon Rex • Drew Mikuska • Pamela Anderson Jenny McCarthy • Regina Hall • Denise Richards Jeremy Piven • Diane Klimaszewski • Dexter Bell | ||
| Müsica: James L. Venable | ||
| Léngua: Ingléś | ||
| Dürä dal film: 81 minüt | ||
| Nasiōṅ: Stat Unî • Cànada | ||
Scary Movie 3 - Una risata vi seppellirà (Film ad Scarésa 3 - Na ridùda la v saplirà) 'l è na cumèdia ad cretinìśia dal 2003 ad David Zucker, séguit di film Scary Movie dal 2000 e Scary Movie 2 dal 2001. La pelìcula la tóś in gir soquànt film ad scarésa e cumèdi cuma The Ring, La bambola assassina 2, The Others, 8 Mile, Matrix, Il sesto senso, La notte dei morti viventi e at'r incóra.
Al film 'l à muciâ sù da piò ad dūśènt-vint migliòṅ ad dòlar a frònt 'd un cóst ad quarànt'òt.
Sunt
Dū bióndi c'n al téti arfàti 'd nóṿ, la Katie (Jenny McCarthy) e la Becca (Pamela Anderson), i dascóran na sira dna caséta vìddeo maladìda ch'la purtarév a la mòrt, dòp sèt dè, par quéi ch'i la guàrdan e 'l fat al sarév sgnâ da na telefunàda ch'la riva subìt dòp avér-la vdùda. A parév na burla tuta da rìdar tant che pò al dū dóni i pàsan subìt a ciacaràr dna caséta dal gènar spurcaciòṅ, ma la Katie, ch'l'à vdû la caséta pròpria la stmana prima, la mōr dabòṅ cun un grugn dasfurmâ ch'al fà inténdar la paùra ch'l'à patî in cal mumènt lè ad òpra dla baghéta prutagunìsta dal filmâ e andgàda in un pós, la Tabitha (Marny Eng), ch'la salta fóra apòsta da la televiśiòṅ.
Na giurnalìsta śōvna ch'la pésca 'l sucès, la Cindy Campbell (Anna Faris), la gh vōl andàr a fónd.