Sèlta rumèla
|
C'l artìcol chè 'l è scrit in
Carpśàn |
Al sèlta rumèla 'l era 'n śōg ch'i fèv'n i ragasō quand i n'gh'avìven mìa incòri la play station, mo gnanca dimòndi munéda da 'ndèr a cumprèr-'n ùn a 'l merchê. 'L era 'n śōg ed destrèsa, 'd abilitê, perchè a biśgnìva, dòp 'd avér tirê in dl'ària na rumèla, cun la stèsa màṅ catèr sù 'n ètra rumèla pugèda lè darèint, e ciapèr però anc la rumèla 'd prìma, prìma ch'la turnìs a caschèr śò. La màṅ dòp a s turnèva a tirèr in dl'ària la rumèla, mo però tgnènd bèin imperśunê in dla màṅ quèla tolta sù prìma, a tuchèva 'd tór sù na śgònda rumèla lè datēś e, sèimper dla stèsa màṅ, cavèr-gh-la 'd ciapèr a 'l vōl la rumlèina ch'l'era drē a caschèr śò. A s cuntinuèva incòri acsè cun dō rumlèini imperśunèdi in dla màṅ, mo chilē la duvìva tgnìr quìsti, tirèr quèla, tór-en n'ètra e ciapèr quèla prìma ch'la caschìs, e via 'd cal pâs chè, fin che la màṅ la n'dvintèva tròp cìca per tgnìr sódi tùt, e alóra a s guardèva al livêl 'd abilitê che ogni śugadōr 'l era arivê.
Vóś lighèdi
DEFAULTSORT:Sèlta rumèla