Questioni di famiglia
|
C'l artìcul chè 'l è scrit in
Miranduléś |
 The Family Tree
| ||
| Questioni di famiglia | ||
 Chi McBride in na figùra dal film | ||
| Questiòṅ 'd famìja 2011 | ||
|---|---|---|
| Regìa: Vivi Friedman | ||
| Scritōr: Mark Lisson | ||
| Atōr: Keith Carradine • Dermot Mulroney Hope Davis • Gabrielle Anwar • Madeline Zima Christopher Bradley • Selma Blair • Max Thieriot John Patrick Amedori • Christina Hendricks Chi McBride • Britt Robertson • Steven Grayhm | ||
| Müsica: Stacey Hersh | ||
| Léngua: Ingléś | ||
| Dürä dal film: 87 minüt | ||
| Nasiōṅ: Stat Unî • Austràglia | ||
Questioni di famiglia (Questiòṅ 'd famìja) l'è na cumèdia dramàtica americàna e austragliàna dal 2011 dla Vivi Friedman, vguda fóra prima ch'la murìs 'd càncar 'l an dòp a quarànta-quàt'r an.
Sunt
Jack Burnett (Dermot Mulroney) al viṿ in na sitadìna d'l Ohio e 'l è impiegâ in dla dita 'd Harv (Evan Handler), al sò cap, ch'l al fà lauràr in còpia cun la Nina Fouts (Gabrielle Anwar), na dóna sénsa cōr. A cà 'l óm al gh'à di prubléma cun la sò famìja parchè i èṅ sémp'r adrē a quistiunàr-as. Cun sò mujēr, la Bunnie (Hope Davis), al fà fadìga a dascórar inót'r al n s cumpatìs pròpria briśa la màd'r ad lē, l’Ilene (Jane Seymour), ch'la gh'à da vgnir a star lè fra pôc dè. Sò fiōla, la Kelly (Britt Robertson), l'è na śuvnòta 'd darsèt an vulgaròta ch'a gh piàś dascórar 'd buchèṅ e andàr in gir tuta scalvìda tant ch'la s bèca da spés c'n al sò śmèl Eric (Max Thieriot), un cristiàṅ sfegatâ ch'al s divertìs a sparàr par śōg a 'l pulìgun insém a 'l reverénd Diggs (Keith Carradine). Chi lò 'l è 'n prēt ch'al gh'à 'l visi 'd fumàr dla marijuana, purtàda via cun 'l ingàn a 'n ragàs spavintâ da i sò dascōrs su i pcâ, Andy Porter (Steven Grayhm).
Un dè, méntar Jack 'l è a lauràr, la Bunnie la gh'à 'n incidènt durànt na gusàda in dal cèso c'n al sò vśèṅ 'd cà, Simon Krebs (Chi McBride), un négar ch'al gh'à 'n śuvnòt da crésar, Josh (Evan Ross). Ciucànd la tèsta par tèra la dóna la finìs a 'l uśdàł e pò, quànd la s armét, la pèrd la memòria, la s arcòrda sōl in fiṅ a i tèmp ad quànd l'éra sōl la muróśa 'd Jack e dònca incóra dimóndi inamuràda. Jack al gh'à di prubléma a turnàr-'g insém cuma na vòlta anc parchè al gh'à sèmp'r in tèsta la sò segretària, l’Alicia Bouche (Christina Hendricks), che la Nina la vrév lasàr a cà.
In séguit Eric al dvènta amìg 'd un punk ciamâ Paul Stukey (John Patrick Amedori) méntar la Kelly, ch'la n sà minga ch'al sò muróś sparî, Bobby Overmier (Christopher Bradley), 'l è stâ vitma dna daśgrasìa par cólpa 'd un śghirét finénd impicâ a 'n àlbar in dal méntar ch'al s fava na pugnéta, la s davśìna a na lèśbica ch'la và a scóla cun sò fradèl, la Mitzy (Madeline Zima), e ch'la gh'à na relasiòṅ cun la sò insgnànta 'd stòria, la prufesurésa Delbo (Selma Blair).