Porky's III - La rivincita!
|
C'l artìcul chè 'l è scrit in
Miranduléś |
 Porky's Revenge
| ||
| Porky's III - La rivincita! | ||
 Tony Ganios in na figùra dal film | ||
| Porky's III - L'arvìnsida! 1985 | ||
|---|---|---|
| Regìa: James Komack | ||
| Scritōr: Bob Clark • Ziggy Steinberg | ||
| Atōr: Dan Monahan • Wyatt Knight • Tony Ganios Mark Herrier • Kaki Hunter • Chuck Mitchell | ||
| Müsica: Dave Edmunds | ||
| Léngua: Ingléś | ||
| Dürä dal film: 92 minüt | ||
| Nasiōṅ: Stat Unî • Cànada | ||
Porky's III - La rivincita! (Porky's III - L'arvìnsida!) 'l è na cumèdia americàna e canadéśa dal 1985 ad James Komack, séguit di film Porky's - Questi pazzi pazzi porcelloni dal 1982 e 'd Porky's II - Il giorno dopo dal 1983.
L'à fat sù vint migliòṅ e mèś ad dòlar.
Sunt
La squàdra 'd basket dal culéǵ 'd Angel Beach 'l è in semifinàł in un turnèo nasiunàł fra scóli méntar Pipèṅ (Dan Monahan) al punta a na nòt ad sès cun na bèla studènta śvedéśa, l’Inga (Kim Evenson), ma 'l armàgn fargâ cuma sèmpar. Al cheerleader i prumét'n a i ragàs 'd andàr a lèt sèg s'i gh la càv'n a vìnsar. Finî 'l incóntar cun sucès, i śōv'n i s dàn'n apuntamènt a cà 'd una 'd lōr par gusàr. Mént'r i ragàs i èṅ in dl'àqua nûd in pisìna, al ragàsi invéci 'd śuntàr-'s i scàpan via c'n i sò vistî.
Adès ch'i gh'aṅ da śugàr la finàl, Brian (Scott Colomby) al diś ch'l alenadōr Goodenough (Bill Hindman) 'l è ricatâ par Porky Wallace (Chuck Mitchell), al migliardàri ch'al fà i bèsi c'n al sò lucàl malnét, parchè 'l à fat di dèbit sèg in dla sò bisca clandestìna. Chi lò al vōl ch'al faga pèrd'r apòsta la squàdra 'd Angel Beach par far sù di sòld scumiténd-ag cóntar e 'l coach 'l è custrét a lasàr fóra 'l sò śugadōr più fòrt, Pilòṅ (Tony Ganios), cun la scuśa ch'al n à minga pasâ 'n eśàm ad biulugìa. Al ragàs al gh'à pò anc 'n àtar prubléma parchè la fiōla 'd Porky, cla purcùsa dla Blossom (Wendy Feign), la gh'à butâ gl'òć adòs.