Penny Marshall

C'l artìcul chè 'l è scrit in Miranduléś

La Carole Penny Marshall (New York, 15 'd Utóbar dal 1943 – Los Angeles, 17 ad Dicémbar dal 2018) l'è stàda n'atōra, prudutōra e regìsta americàna.

Surèla dal regìsta Garry Marshall e spuśàda da 'l 1971 a 'l 1981 c'n al culéga Rob Reiner, l'è mòrta a stanta-sinc an par dal cumplicasiòṅ cauśàdi da 'l diabēt. Da 'l 2010 a 'l 2012 l'iva patî anc un cànc'r a 'l fégat.

Biugrafìa

Fiōla dal prudutōr cinematugràfic americàṅ cun di urìgini itagliàni Anthony Wallace Marshall (Masciarelli) e dl'insgnànta 'd bal Marjorie Irene Ward, la Penny la taca a recitàr in dal 1968 catànd pò 'l sucès faghénd la Laverne de Fazio in dal telefìlm Laverne & Shirley insém a la Cindy Williams in dla part dla Shirley Feeney (1976-1983). Cla sitcom chè la gh fruta tri nomination a i Golden Globes.

In di an Stanta la gira anc di àtar telefìlm cuma La strana coppia, Happy Days e Mork & Mindy.

Pasàda a la regìa, la lavóra cun la Whoopi Goldberg in Jumpin' Jack Flash (1986) e cun Tom Hanks in Big (1988). In dal 1990 la gira Risvegli cun Robert De Niro e Robin Williams mént'r in dal 1992 la lavóra cun la Madonna in Ragazze vincenti.

Filmugrafìa

cuma Atōra

1968 - Violence Story, regìa ad Richard Rush
1968 - Uffa papà quanto rompi! (How sweet It Is!), regìa ad Jerry Paris
1970 - La cavalletta (The Grasshopper), regìa ad Jerry Paris
1970 - Senza un filo di classe (Where's Poppa?), regìa ad Carl Reiner
1985 - Dinosauri a colazione (Movers & Shakers), regìa ad William Asher
1988 - Un amore rinnovato (She's Having a Baby), regìa ad John Hughes
1991 - Insieme per forza (The Hard Way), regìa ad John Badham
1993 - Hocus Pocus, regìa ad Kenny Ortega
1995 - Get Shorty, regìa ad Barry Sonnenfeld
2004 - Stateside - Anime ribelli (Stateside), regìa ad Reverge Anselmo
2007 - Alice una vita sottosopra (Alice Upside Down), regìa ad Sandy Tung
2011 - Capodanno a New York (New Year's Eve), regìa ad Garry Marshall

cuma Regìsta

1986 - Jumpin' Jack Flash
1988 - Big
1990 - Risvegli (Awakenings)
1992 - Ragazze vincenti (A League of Their Own)
1994 - Mezzo professore tra i marines (Renaissance Man)
1996 - Uno sguardo dal cielo (The Preacher's Wife)
2001 - I ragazzi della mia vita (Riding in Cars with Boys)
2019 - Rodman - ducumentàri

Culegamènt estéran

(EN) Filmugrafìa su IMDb

Àtar prugèt

Wikiquote contiene citazioni di o su Penny Marshall
Wikimedia Commons contiene file multimediali su Penny Marshall