Pèten
|
C'l artìcol chè 'l è scrit in
Carpśàn |
Al pèten 'l è cal strumèint che, coi só dèint o rèbi, al śmèśda, al śgumbìa e 'l lìsa i cavî di cristiàṅ, tulèndegh vìa i gròp e s'ocòr, anc un quèlc parasî. S'a gh'è da tōr vìa i piōć, a ghe vrà 'n pèten coi dèint dimòndi fìt, che stergènd strìc i cavì, al gh'la cavìs ed destachèr e tōr sù na quèlc bestiulèina e i só ōṿ. Al dè d'incō a n'sucēd mìa trop despès che la gint la gh'àpia i piōć in cô, mo in di tèimp indré l'éra na situasiòun ch'la psìva capitèr e in alóra a s druèva la petnèina coi dèint fit fit.
Incō a gh'è di pèten dal sorti più śvarièdi, e anch ed diferèint materiē, c'ma 'd plàstica, ed lègn, e 'd metâl. A gh'è pò anc di pèten ch'i s dróven c'ma dal mulèti per tgnìr strichi dal bàndi 'd cavî 'da 'n quelc cô edla testa.
A s sà che i pèten i éren druê infìn dai tèimp dal brònś o dla préda, avènd-en catê soquànt in di schêv edl'archiologìa, ch'i fùsen 'd ôs, ed lègn e 'd metâl.
Manéri 'd dìr
- (CARPŚ) Tùt i gròp i vìn'n a 'l pèten, (IT) (lett.) Tutti i nodi vengono al pettine, (fig.) Ogni imbroglio prima o poi verrà scoperto[1], Arrivare infine ai punti difficili da risolvere.
- (CARPŚ) Petnères 'l un cl èter, (IT) (lett.) Pettinarsi a vicenda, (fig.) Darsele, accapigliarsi.
- (MUD) Tō bèin cal destrigòn lè![2] (IT) Prendi pure quel pettine!
Vōś lighèdi
Èter progêt
Wikimedia Commons contiene file multimediali su Pèten
Wikizionario contiene la voce di dizionario «Pèten»
Colegamèint estèren
- (IT) La vóś in sìm'a 'l vocabolàri Treccani.
- (IT) D'indû a deśvìn al só nòm in sìm'a etimo.it.