Norfolk (Virgìgna)
|
C'l artìcul chè 'l è scrit in
Miranduléś |
Norfolk (a s lèś /ˈnɔːrfʊk/ in ingléś) l'è na sità di Stat Unî ch'la fà sù duśènt-quarantamìla abitànt a 'l incìrca, la tèrsa più impurtànta dla Virgìgna dòp Virgìgna Beach e Chesapeake.
La s cata in frònt a 'l Ucéan Atlàntic, in dla baja 'd Chesapeake, e l'è stada fundàda in dal 1682. La gh'à na superfìsi 'd 249,68 km2.
Tgnénd adrē a 'l censimènt dal 2010 la sò pupulasiòṅ la s divìd fra 'n 47,1% ad biànc, un 43,1% ad négar, un 3,3% 'd aśiàtic e p'r al rèst atri rasi.
In sità a gh'è la sēd dla Naval Station Norfolk, la più impurtànta stasiòṅ navàla dla marìna militàra americàna e la più granda baś aeronavàla dal mónd. Anc l'urganiśasiòṅ p'r i dirìt dal bèsti, la PETA, la gh'à la sēd chè.
Al sò sìndig, da 'l 2016, 'l è 'l demucràtic Kenny Alexander. Cal partî chè al và dimóndi fòrt in sità tant che da 'l 2008 in avànti i candidâ presidènt demucràtic i mùcian sù al 70% a 'l incìrca di vōt a gl'elesiòṅ. L'ultma vòlta ch'al GOP al 'n à ciapâ da piò 'l è stâ in dal 1972 cun Richard Nixon cóntar George McGovern.
Persunàǵ ligâ a Norfolk
- Steve Bannon, banchēr e pulitòlug
- Jake E. Lee, chitarìsta èx 'd Ozzy Osbourne
- Gene Vincent, cantànt
- Scott Travis, baterìsta di Judas Priest
- Timbaland, sunadōr
- Eddie Holman, cantànt