Non giocate con il cactus
|
C'l artìcul chè 'l è scrit in
Miranduléś |
 O.C. and Stiggs
| ||
| Non giocate con il cactus | ||
 Daniel Jenkins e Neill Barry in na figùra dal film | ||
| Minga śugàr c'n al càctus 1985 | ||
|---|---|---|
| Regìa: Robert Altman | ||
| Scritōr: Tod Carroll • Ted Mann • Donald Cantrell | ||
| Atōr: Daniel Jenkins • Neill Barry • Paul Dooley Dennis Hopper • Jane Curtin • Jon Cryer Cynthia Nixon • Laura Lanoil • Tina Louise | ||
| Müsica: King Sunny Ade | ||
| Léngua: Ingléś | ||
| Dürä dal film: 109 minüt | ||
| Nasiōṅ: Stat Unî | ||
Non giocate con il cactus (Minga śugàr c'n al càctus) 'l è na cumèdia dal 1985 ad Robert Altman. L'è custàda sèt migliòṅ ad dòlar a 'l incìrca.
Sunt
Oliver Cromwell (Daniel H. Jenkins), un ragàs ch'al s pòrta adrē al scutmàj 'd O.C., 'l è dimóndi amìg cun Mark Stiggs (Neill Barry) e durànt al dè al s divèrt insém a lò. Al viṿ in un paéś dl'Ariśòna insém a sò nunòṅ. Quànd 'n asicuradōr sénsa scrùpui, Randal Schwab (Paul Dooley), 'l al fà 'rmàgnar in buléta, al vèć 'l è custrét a finìr a 'l uspìsi.
I dū śóvan i decìdan acsè ad dar adòs a la famìja burgéśa di Stiggs, a Randal, a sò mujér sèmp'r imbariàga e a i dū fiōi minciòṅ. A la fiōla fémna i gh regàlan p'r al sò matrimòni un mitrajadōr e pò, cun 'l ajùt ad cal mat ad Sponson (Dennis Hopper) ch'al vénd di śavàj vansâ da 'l guèri ma anc dla dròga, i faṅ ciapàr un spaghét a 'l asicuradōr rivànd a sćiupàr di fōg artificiài davànti a la sò vila e andànd a 'l atàc cun dal màchini ad guèra.