Nikki Haley

C'l artìcul chè 'l è scrit in Miranduléś

La Nimrata Nikki Randhawa, da spuśàda cgnusùda méj cuma la Nikki Haley (Bamberg, 20 ad Śnar dal 1972) l'è na pulìtiga americàna cun di urìgini indiàni, mémbra dal partî republicàṅ e èx espunènta dal Tea Party.

Da 'l 12 ad Śnar dal 2011 a 'l 24 ad Śnar dal 2017 l'è stada la guvernadōra dla Carulìna dal Sud, carga ch'l'à lasâ p'r andàr a far la rapreśentànta permanènta a 'l ONU esénd stada sarnìda par cal pòst lè da 'l presidènt Donald Trump. In dal Dicémbar dal 2017, dascurénd a 'l Palàs ad Vēdar, la Nikki la li à prumìsi a 'l nasiòṅ ch'i s éran parmìsi 'd vutàr cóntar la deciśiòṅ di Stat Unî 'd spustàr la sò ambasiàda in Iśraēl a Geruśalèm (128 paéś miténd-ag dènt'r anc l'Itàglia) dgénd che „cal vōt chè al farà la difarénsa su cuma gl'americàṅ i guardaràṅ 'l Onu e i Paéś ch'i s mancheràṅ 'd rispèt. A 'rcurdarém cal vōt chè“. Da la banda di USA i s éran mis invéci al Guatemàla, 'l Honduras, gl'Ìśuli Marshall, la Micrunéśia, al Nauru, al Palau, al Togo e, gnanc a dir-al, Iśraēl.