Nightmare Beach - La spiaggia del terrore
|
C'l artìcul chè 'l è scrit in
Miranduléś |
 Nightmare Beach
| ||
| Nightmare Beach - La spiaggia del terrore | ||
 Cuncōrs „Miss majéta mója“ in na figùra dal film | ||
| Nightmare Beach - La spiàgia dal terōr 1989 | ||
|---|---|---|
| Regìa: Umberto Lenzi • James Justice | ||
| Scritōr: Vittorio Rambaldi Umberto Lenzi • James Justice | ||
| Atōr: Nicolas De Toth • Sarah Buxton • John Saxon Rawley Valverde • Lance LeGault • Michael Parks | ||
| Müsica: Claudio Simonetti | ||
| Léngua: Ingléś | ||
| Dürä dal film: 90 minüt | ||
| Nasiōṅ: Itàglia • Stat Unî | ||
Nightmare Beach - La spiaggia del terrore (Nightmare Beach - La spiàgia dal terōr) 'l è 'n film ad scarésa itagliàṅ e americàṅ dal 1989 'd Umberto Lenzi e 'd James Justice.
La pelìcula l'è stada giràda in Flòrida.
Sunt
Diablo (Tony Bolano), cap dla banda di mutuciclìsta di Dèmun, 'l è drē a èsar giustisiâ su na scrana lètrica p'r avēr masâ na śōvna. In punt ad mòrt al diś a la surèla dla vitma, la Gail (Sarah Buxton), 'd ès'r inusènt e 'l gh prumét anc ad turnàr, pò a partìs la scarga e 'l óm al mōr.
'N an dòp, durànt al Spring break ad Primavéra, dū śugadōr ad futból americàṅ, Skip (Nicolas de Toth) e Ronny (Rawley Valverde), i rìv'n a Miami par festegiàr in mèś a tut cal fighi lè stramnàdi cavàdi śò su la spiàgia. In cal méntar 'n óm misterióś, vistî da mutuciclìsta e c'n un casc nég'r in cô, al taca a far fóra di śōvan fulminànd-i druànd un dispuśitìṿ elètric ch'al gh'à su la sò mòta. Quànd Ronny al mōr anc lò sparénd dal tut, Skip al s mét a pascàr-al cun 'l ajùt dla Gail chì'la lavóra in spiàgia cuma barìsta.
Al cap dla pulisìa dla sità, Strycher (John Saxon), e 'l mèdag Willet (Michael Parks) i próan a lugàr al nutìsi p'r a n ruinàr briśa la fèsta.