National Lampoon's Vacation
|
C'l artìcul chè 'l è scrit in
Miranduléś |
 National Lampoon's Vacation
| ||
 La Christie Brinkley in na figùra dal film | ||
| La vacànsa dla National Lampoon 1983 | ||
|---|---|---|
| Regìa: Harold Ramis | ||
| Scritōr: John Hughes | ||
| Atōr: Chevy Chase • Beverly D'Angelo • Randy Quaid Dana Barron • Anthony Michael Hall • Eugene Levy Imogene Coca • Christie Brinkley • James Keach | ||
| Müsica: Ralph Burns | ||
| Léngua: Ingléś | ||
| Dürä dal film: 98 minüt | ||
| Nasiōṅ: Stat Unî | ||
National Lampoon's Vacation (La vacànsa dla National Lampoon) l'è na cumèdia americàna dal 1983 'd Harold Ramis ch'la tōś ispirasiòṅ da na rivìsta da rìdar e 'd sàtira ciamàda National Lampoon. Custàda quìndas migliòṅ ad dòlar, la pelìcula la 'n à fat pò sù da piò ad ssanta.
In dla culòna sunóra dal film i sènt'n i braṅ Blitzkrieg Bop di Ramones, Holiday Road ad Lindsey Buckingham e I'm So Excited dal The Pointer Sisters.
Sunt
Clark Griswold (Chevy Chase) insém a sò mujēr Ellen (Beverly D'Angelo) e a i sò fiōi Rusty (Anthony Michael Hall) e la Audrey (Dana Barron) al decìd ad far na vacànsa in Califòrgna parténd da Chicago cun la sò màchina nóva, na Truckster culōr vérd arvéa. Durànt al viàś Clark 'l incóśa da spés na biónda (Christie Brinkley) ch'la gh fà magnàr la pólvra insìma a la sò Ferrari rósa.
Rivâ a Coolidge (Kànsas) i Griswold i s férman p'r andàr a càtar di sò cuśèṅ buletàri dal pòst, la Catherine (Miriam Flynn) e sò marè Eddie (Randy Quaid), ch'i s pàs'n al tèmp faghénd di fiōi a tut andàr. Prima 'd andàr via, la Catherine la dmanda a i sò parènt ad scarusàr sèg in fiṅ a Phoenix la sîna Edna (Imogene Coca), na vècia bruntlòna ch'la gh'à i vistî ch'i pùs'n ad naftalìna, e 'l sò caṅ ch'al scagàsa sèmpar dapartùt.
Rivâ in Ariśòna la famìja l'armàgn a pē dòp 'n incidènt in dal deśèrt. Par far-la giustàr Clark al spénd tut i sò bèsi e anc sò mujēr la gh'à 'l bisàchi vōdi esénd ch'l'iva pardû durànt al viàś la sò valìś, vulàda via, cun dèntar la carta 'd crédit.