Grandùca Gorgon

C'l artìcul chè 'l è scrit in Miranduléś

Al Grandùca Gorgon (ゴーゴン大公 in giapunéś, a s lèś Gōgon Taikō), 'l è 'n persunàǵ dgl'anime Mazinga Z e Gran Mazinga, creâ p'r al senegiadōr Gō Nagai.

Al Grandùca Gorgon al fà 'l sò debùt in dal cartòṅ animâ 'd Mazinga Z vèrs la fiṅ dla série quànd al juta al Dutōr Inféran in dla sò lòta cóntar Koji Kabuto.

Gorgon al fà part dal pòpul dasfurtunâ di Mikenes, custrét a vìvar sót-tèra par via 'd soquànt evènt catastròfic. Cuma tuta la sò gint chi lò 'l à patî 'n prucès ad rubutiśasiòṅ ch'al gh'à salvâ sōl la part élta dal sò còrp, da la pansa in sù, che pò l'è stada insfilsàda in dal còrp dna tigra mecàniga.

In séguit, sóta 'l cmand dal Generàł Négar e dal Minìstar Àrgos, al cumbàt anc cónt'r al Gran Mazinga par pò murìr durànt un cumbatimènt sèg giùst dòp avēr creâ la baś dl'Ìśula vulcànica.