Little Miss Sunshine
|
C'l artìcul chè 'l è scrit in
Miranduléś |
 Little Miss Sunshine
| ||
| Little Miss Sunshine | ||
 L'Abigail Breslin in na figùra dal film | ||
| La pìcula miss Raś ad Sōl 2006 | ||
|---|---|---|
| Regìa: Jonathan Dayton • Valerie Faris | ||
| Scritōr: Michael Arndt | ||
| Atōr: Greg Kinnear • Toni Collette • Paul Dano Dean Norris • Abigail Breslin • Steve Carell Alan Arkin • Marc Turtletaub • Bryan Cranston | ||
| Müsica: Mychael Danna • DeVotchka | ||
| Léngua: Ingléś | ||
| Dürä dal film: 101 minüt | ||
| Nasiōṅ: Stat Unî | ||
Little Miss Sunshine (La pìcula miss Raś ad Sōl) l'è na cumèdia dal 2006 ad Jonathan Dayton e dla Valerie Faris. Preśentâ a 'l Sundance Film Festival, al film 'l è stâ pò cumprâ par qvéi dla Fox Searchlight Pictures ch'i 'l aṅ distribuî in di Stat Unî faghénd sù da piò ad sènt migliòṅ ad dòlar quànd 'l éra custâ sōl òt.
La pelìcula l'à vins anc dū Prèmi Òscar par la senegiadùra briśa uriginàla e par 'l atōr minga prutagunìsta, Alan Arkin.
Sunt
La pìcula Olive Hoover (Abigail Breslin) la gh'à 'n sógn in dla vita, qvél ad vìns'r al cuncōrs ad belésa par putìni ad “Little Miss Sunshine” ma la n gh'à mia i nùmar ch'a gh vōl parchè la pòrta gl'uciài e l'è anc ciciòna. A 'l selesiòṅ regiunàli dal Mèsic Nóṿ la riva secónda ma, p'r un cōlp ad furtùna, la sò rivàla la s ritìra e lē la gh'à camp lìbar par tōr part a la gara nasiunàla ch'a gh sarà in Califòrgna.
I sò parènt i èṅ da la sò banda e par cal mutìṿ lè i tōś'n un furgunsèṅ par spustàr-as. Durànt al viàś al nunòṅ Edwin (Alan Arkin), uṅ drugâ casâ via da 'l uspìsi in du al stava, al mōr ma 'l pàdar Richard (Greg Kinnear) e la màdar Sheryl (Toni Collette) i cuntìnuan listés p'r iscrìv'r in tèmp a 'l cuncōrs la fiōla ad sèt an. In sal Volkswagen T2 śal scasâ, tòlt a nuléǵ par risparmiàr invéci ad tōr 'l aparéć, i gh'èṅ anc al fradèl Dwayne (Paul Dano) e 'l sio Frank (Steve Carell).