Linea mortale
|
C'l artìcul chè 'l è scrit in
Miranduléś |
 Flatliners
| ||
| Linea mortale | ||
 Kevin Bacon e la Roberts in na figùra dal film | ||
| Lìnea murtàl 1990 | ||
|---|---|---|
| Regìa: Joel Schumacher | ||
| Scritōr: Peter Filardi | ||
| Atōr: Kiefer Sutherland • William Baldwin Julia Roberts • Kevin Bacon • Kimberly Scott Oliver Platt • Hope Davis • Benjamin Mouton | ||
| Müsica: James Newton Howard | ||
| Léngua: Ingléś | ||
| Dürä dal film: 115 minüt | ||
| Nasiōṅ: Stat Unî | ||
Linea mortale (Lìnea murtàl) l è 'n thriller dal 1990 ad Joel Schumacher prudót par Michael Douglas e Rick Bieber. Custâ vint-siē migliòṅ ad dòlar, al film al 'n à pò fat sù da piò ad ssant'òṅ.
In dal 2017 in di Stat Unî 'l è vgnû fóra 'n arfacimènt ad Niels Arden Oplev da 'l tìtul Flatliners - Linea mortale.
Sunt
Nelson Wright (Kiefer Sutherland), studènt ad madśìna, al vrév savēr cuś a gh'è in dal da 'd là e cuś a s sènt quànd a s mōr, in dal pasàǵ fra la vita e 'l scûr dal són etéran. Insém a i sò amìg e culéga David Labraccio (Kevin Bacon), Joe Hurley (William Baldwin), la Rachel Mannus (Julia Roberts) e Randy Steckle (Oliver Platt) al decìd ad far 'n esperimènt tacànd-'s a na màchina par farmàr al cōr. Quànd al sò sarvèl al n dà piò ségn ad vita, disgnànd la riga para su 'l schérum, al grup al fà 'n intervènt par far ripréndar la batarìa dal mùscul cardìag.
Nelson al s déśda ma in chi minùt lè 'l à visû 'n brut epiśòdi dla sò vita, arcurdànd un putèṅ ciamâ Billy Mahoney (Joshua Rudoy) che lò al gh'à sèmpar dâ adòs in fiṅ a cauśàr sénsa vlēr la sò mòrt. Al śōv'n al decìd 'd a n dir gnint a chi àtar che acsè i s śibìs'n anc lōr par 'l esperimènt.