Julia Roberts
|
C'l artìcul chè 'l è scrit in
Miranduléś |
La Julia Fiona Roberts, cgnusùda méj cuma Julia Roberts (Smyrna, 28 'd Utóbar dal 1967), l'è n'atōra, ardupiadōra e prudutōra 'd film americàna.
Biugrafìa
La sò prima part impurtànta in un film l'è stata in dla pelìcula dramàtica Fiori d'acciaio dal 1989 ch'la gh fruta 'n Golden Globe e na candidadùra a i Prèmi Òscar e in du la cgnós 'l atōr Dylan McDermott ch'al dvintarà par soquànt tèmp al sò muróś.
La Roberts la cata pò 'l sucès cun la cumèdia rumàntica Pretty Woman ad Garry Marshall giràda insém a Richard Gere ch'la gh parmét ad dvintàr l'atōra più pagàda a film in di an Nuànta e a 'l inìsi di an Dumìla. Anc cun cal film chè la Julia la pòrta a cà 'n Golden Globe e na nomination a i Prèmi Òscar cuma atōr prutagunìsta. Finalmènt in dal 2001 la gh la cava a métar-'s in bisàca cal prèmi chè p'r al rōl dl'ativìsta Erin Brockovich in dal film biugràfic umònim.
Dòp na stòria cun Kiefer Sutherland e cun Benjamin Bratt e 'n matrimòni ad dū an c'n al cantànt country Lyle Lovett, in dal Luj dal 2002 la sa spóśa c'n al cameraman Daniel Moder avénd-ag sèg tri fiōi.
Filmugrafìa
- 1987 - Scuola di pompieri (Firehouse), regìa ad J. Christian Ingvordsen
- 1988 - Femmine sfrenate (Satisfaction), regìa ad Joan Freeman
- 1988 - Mystic Pizza, regìa ad Donald Petrie
- 1989 - Legami di sangue (Blood Red), regìa ad Peter Masterson
- 1989 - Fiori d'acciaio (Steel Magnolias), regìa 'd Herbert Ross
- 1990 - Pretty Woman, regìa ad Garry Marshall
- 1990 - Linea mortale (Flatliners), regìa ad Joel Schumacher
- 1991 - A letto con il nemico (Sleeping with the Enemy), regìa ad Joseph Ruben
- 1991 - Scelta d'amore - La storia di Hilary e Victor (Dying Young), regìa ad Joel Schumacher
- 1991 - Hook - Capitan Uncino (Hook), regìa ad Steven Spielberg
- 1992 - I protagonisti (The Players), regìa ad Robert Altman - cameo
- 1993 - Il rapporto Pelican (The Pelican Brief), regìa 'd Alan Pakula
- 1994 - Inviati molto speciali (I Love Trouble), regia Charles Shyer
- 1994 - Prêt-à-Porter, regìa ad Robert Altman
- 1995 - Qualcosa di cui... sparlare (Something to Talk About), regìa ad Lasse Hallström
- 1996 - Mary Reilly, regìa ad Stephen Frears
- 1996 - Michael Collins, regìa ad Neil Jordan
- 1996 - Tutti dicono I Love You (Everyone Says I Love You), regìa ad Woody Allen
- 1997 - Il matrimonio del mio migliore amico (My Best Friend's Wedding), regìa ad P. J. Hogan
- 1997 - Ipotesi di complotto (Conspiracy Theory), regìa ad Richard Donner
- 1998 - Nemiche amiche (Stepmom), regìa ad Chris Columbus
- 1999 - Notting Hill, regìa ad Roger Michell
- 1999 - Se scappi, ti sposo (Runaway Bride), regìa ad Garry Marshall
- 2000 - Erin Brockovich - Forte come la verità (Erin Brockovich), regìa ad Steven Soderbergh
- 2000 - The Mexican - Amore senza sicura (The Mexican), regìa ad Gore Verbinski
- 2001 - I perfetti innamorati (America's Sweethearts), regìa ad Joe Roth
- 2001 - Ocean's Eleven - Fate il vostro gioco (Ocean's Eleven), regìa ad Steven Soderbergh
- 2002 - Grand Champion, regìa ad Barry Tubb - cameo
- 2002 - Confessioni di una mente pericolosa (Confessions of a Dangerous Mind), regìa ad George Clooney
- 2002 - Full Frontal, regìa ad Steven Soderbergh
- 2003 - Mona Lisa Smile, regìa ad Mike Newell
- 2004 - Closer, regìa ad Mike Nichols
- 2004 - Ocean's Twelve, regìa ad Steven Soderbergh
- 2007 - La guerra di Charlie Wilson (Charlie Wilson's War) regìa ad Mike Nichols
- 2008 - Un segreto tra di noi (Fireflies In The Garden), regìa ad Dennis Lee
- 2009 - Duplicity, regìa ad Tony Gilroy
- 2010 - Appuntamento con l'amore (Valentine's Day), regìa ad Garry Marshall
- 2010 - Mangia prega ama (Eat Pray Love), regìa ad Ryan Murphy
- 2011 - L'amore all'improvviso - Larry Crowne (Larry Crowne), regìa ad Tom Hanks
- 2012 - Biancaneve (Mirror Mirror), regìa ad Tarsem Singh
- 2013 - I segreti di Osage County (August: Osage County), regìa ad John Wells
- 2014 - The Normal Heart, regìa ad Ryan Murphy
- 2015 - Il segreto dei suoi occhi (Secret in Their Eyes), regìa ad Billy Ray
- 2016 - Money Monster - L'altra faccia del denaro (Money Monster), regìa dla Jodie Foster
- 2016 - Mother's Day, regìa ad Garry Marshall