Leprechaun 5
|
C'l artìcul chè 'l è scrit in
Miranduléś |
 Leprechaun: In the Hood
| ||
| Leprechaun 5 | ||
 Red Grant e Rashaan Nall in na figùra dal film | ||
| id. 2000 | ||
|---|---|---|
| Regìa: Rob Spera | ||
| Scritōr: Mark Jones • Rob Spera • Doug Hall William Wells • Alan Reynolds • Jon Huffman | ||
| Atōr: Warwick Davis • Ice-T • Rashaan Nall Anthony Montgomery • Coolio • Dan Martin Red Grant • Lobo Sebastian • Ivory Ocean | ||
| Müsica: Nicholas Rivera | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Leprechaun 5 (id.) 'l è 'n film ad scarésa americàṅ dal 2000 ad Rob Spera, séguit ad Leprechaun, Leprechaun 2, Leprechaun 3 e Leprechaun 4 - Nello spazio. Al rapper Coolio al fà 'n camèo in dla pelìcula in dla part ad sé stés.
'L è vgnû fóra diretamènt p'r al marcâ d'l home video, custànd a 'l incìrca un migliòṅ e quàtar ad dòlar.
Sunt
Tri śōv'n ad culōr ad Los Angeles, Postmaster P. (Anthony Montgomery), Stray Bullet (Rashaan Nall) e Butch (Red Grant) i vrévan dvintàr di rapper ad sucès. Par cavàr-'g-la i tōśan part a n'audisiòṅ urganiśàda p'r al prudutōr ad mùśica hip hop Mack Daddy O'Nassis (Ice-T) che però al i bòcia dgénd ch'a sarév méj ch'in dal sò canti i dascurìsan da piò ad viulénsa, dròga, masamènt, gusàdi e rasìśum, cun di tèst cóntar cal dóni e chi fnòć. Mént'r O'Nassis 'l è a 'l telèfun, Butch al fà a mènt ch'in dla sò scrivanìa lò al gh'à na statṿa 'd un leprecàṅ ma 'l discugràfic al i casa via.
Stray Bullet al śibìs a i sò amìg 'd andàr a rubàr in cà da O'Nassis par purtàr-ag via 'l òr vist adòs a la statṿa in manéra 'd psēr ciapàr i bèsi ch'i gh vōlan par cumpràr un mìxer nóṿ. I tri i gh la càv'n a fargàr un mdajòṅ e 'n sibiōl, pròpria in dal mumènt ch'la statṿa la dvènta 'n leprecàṅ (Warwick Davis) in carna e òs.
Dòp avēr cumprâ 'l mìxer in dal negòsi 'd Jackie Dee (Dan Martin), Postmaster P. al s mét a sunàr al sibiōl sénsa savēr ch'al sò sòṅ 'l è bòṅ ad cuntrulàr la gint ch'la 'l scólta. Al leprecàṅ, ch'al vōl indrē al sò strumènt, al taca a dar-ag la casa.