Leprechaun 4 - Nello spazio
|
C'l artìcul chè 'l è scrit in
Miranduléś |
 Leprechaun 4: In Space
| ||
| Leprechaun 4 - Nello spazio | ||
 Warwick Davis in na figùra dal film | ||
| Leprechaun 4 - In dal spasi 1996 | ||
|---|---|---|
| Regìa: Brian Trenchard-Smith | ||
| Scritōr: Mark Jones • Dennis A. Pratt | ||
| Atōr: Warwick Davis • Brent Jasmer • Guy Siner Jessica Collins • Gary Grossman • Tim Colceri Rebecca Carlton • Debbe Dunning • Geoff Meed | ||
| Müsica: Dennis Michael Tenney | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
Leprechaun 4 - Nello spazio (Leprechaun 4 - In dal spasi) 'l è 'n film ad scarésa americàṅ dal 1996 ad Brian Trenchard-Smith, séguit ad Leprechaun, Leprechaun 2 e Leprechaun 3.
'L è vgnû fóra diretamènt p'r al marcâ d'l home video, custànd un migliòṅ e siē ad dòlar a 'l incìrca.
Sunt
Cal leprecàṅ catìṿ ad Lubdan (Warwick Davis) 'l à decìś ad rapìr la prinsipésa aglièna Zarina (Rebecca Carlton) dal pianēd Dominia in manéra ad psēr dvintàr un rè dòp avēr masâ sò pàdar. Un grup ad marine dal spasi, cmandâ p'r al sergînt Metal Head Hooker (Tim Colceri), ciamâ acsè parchè al gh'à na pròteśi 'd metàl in cô, al gh s mét però in mèś. Al leprecàṅ al in masa òṅ, Lucky (Ladd York), ma pò al mōr a sò vòlta par via dna bómba ch'la 'l śbrandla tut. In dl'espluśiòṅ la Zarina la pèrd na maṅ che però pò la gh crés incóra par via di sò putēr ad giustàr-as da par lē, mént'r al suldâ Kowalski (Geoff Meed) al pisa adòs a i rèst dal fulét par rìdar-'g adrē.
Turnâ in dl'astrunâṿ Kowalski al decìd ad far-as na gusàda. In dal méntar ch'l è drē a cavàr-as śò cun la Delores (Debbe Dunning), al sènt un dulōr in mèś a 'l gambi, pò da la sfésa dal sò braghi a salta fóra al leprecàṅ ch'al taca a cùrar adrē a la ragàsa che però la fà in tèmp a scapàr a 'l cuntràri dal śōvan ch'al mōr lè. La nutìsia ch'al leprecàṅ 'l è incóra viṿ la riva a i àtar marine, al sergînt Books Malloy (Brent Jasmer) inamurâ dla dutōra Tina Reeves (Jessica Collins), al dutōr mèś óm e mèś màchina Mittenhand (Guy Siner), Mooch (Rick Peters), Danny (Mike Canizzo) e Sticks (Miguel A. Núñez Jr.).