Le notti di Salem
|
C'l artìcul chè 'l è scrit in
Miranduléś |
 Salem's Lot
| ||
| Le notti di Salem | ||
 David Soul in na figùra dal film | ||
| Al nòt ad Sàlem 1977 | ||
|---|---|---|
| Regìa: Tobe Hooper | ||
| Scritōr: Stephen King • Paul Monash | ||
| Atōr: David Soul • James Mason • Lance Kerwin Bonnie Bedelia • George Dzundza • Lew Ayres | ||
| Müsica: Harry Sukman | ||
| Léngua: Ingléś | ||
| Dürä dal film: 184 minüt | ||
| Nasiōṅ: Stat Unî | ||
Le notti di Salem (Al nòt ad Sàlem) 'l è 'n film ad scarésa dal 1979 ad Tobe Hooper trat da 'n rumànś ad Stephen King e muntâ ligànd insém al dū puntàdi scurtàdi a 112 minùt dna série televiśìva ciamàda Gli ultimi giorni di Salem.
Sunt
Jerusalem's Lot l'è na sitadìna dal Maine ciamàda da i sò abitànt Salem's Lot. Ben Mears (David Soul), un scritōr ch'al gh'è nâ, al decìd ad turnàr-ag par tōr in afìt na vila ciamàda Cà Marsten ma 'l edifìsi 'l è bèla stâ ciapâ da 'n antiquàri, Richard Straker (James Mason), ch'al diś che 'n sò sòci, Kurt Barlow (Reggie Nalder), al gh'è andâ a star dèntar.
A n sèrt punt un ragàs ciamâ Ralphie Glick (Ronnie Scribner) al sparìs sénsa lasàr trasi. Mears, ch'in cal méntar 'l à tacâ na relasiòṅ cun la fiōla dal dutōr Bill Norton (Ed Flanders), la Susan (Bonnie Bedelia), al taca a pinsàr ch'a gh sia insaplâ in na quàlc manéra Straker parchè al śōvan al n s cata piò da quànd 'l è rivâ lò in paéś. Inól'r al scritōr al taca a pinsàr che la cà la sia 'n sit maladî.
In di dè a vgnir dū lavuradōr, Mike Ryerson (Geoffrey Lewis) e Ned Tebbets (Barney McFadden), i ciàpan 'l incàr'g ad purtàr na casa in dla Cà Marsten sénsa savēr che lè dèntar a gh'è pròpria 'l còrp ad Barlow, parènt ad Straker, ch'a dir dabòṅ 'l è 'n vampîr.