La terra dei morti viventi
|
C'l artìcul chè 'l è scrit in
Miranduléś |
 Land of the Dead
| ||
| La terra dei morti viventi | ||
 Simon Baker e l'Asia Argento in na figùra dal film | ||
| La tèra di mòrt viṿ 2005 | ||
|---|---|---|
| Regìa: George A. Romero | ||
| Scritōr: George A. Romero | ||
| Atōr: Simon Baker • Asia Argento • Dennis Hopper John Leguizamo • Robert Joy • Phil Fondacaro Sasha Roiz • Pedro Miguel Arce • Krista Bridges | ||
| Müsica: Reinhold Heil • Johnny Klimek | ||
| Léngua: Ingléś | ||
| Dürä dal film: 93 minüt | ||
| Nasiōṅ: Stat Unî • Cànada • Frància | ||
La terra dei morti viventi (La tèra di mòrt viṿ) 'l è 'n film ad scarésa dal 2005 ad George A. Romero, quàrt capìtul dla saga di mòrt viṿ dòp La notte dei morti viventi (1968), Zombi (1978) e Il giorno degli zombi (1985). Al gh'à abû anc dū séguit: Le cronache dei morti viventi (2007) e Survival of the Dead - L'isola dei sopravvissuti (2009).
Custâ quìndas migliòṅ ad dòlar, al 'n à fat sù da piò ad quarànta-siē.
Sunt
Dimóndi an dòp 'l invaśiòṅ di śómbi, la gint ch'la l'à scampàda la s è ardùta a vìvar in soquànti sità-furtésa di Stat Unî. Una ad qvisti chè l'è Pittsburgh in Pennsylvania ch'l'è saràda da dū fiùm da na banda e da na rēda lètrica da cl'atra. Qvéi c'n i bèsi i staṅ in un gratacēl ad lus ciamâ Green Fiddler, cum al guvernadōr dla sità Paul Kaufman (Dennis Hopper) ch'al s è dâ da far p'r al prugèt dal Dead Reckoning, un veìcul curasâ pîṅ ad sćiòp e ad midrajadōr ch'l è bòṅ ad giràr p'r al stradi sénsa patìr l'arlìa di śómbi. 'L óm ch'l al guidàva, Riley Denbo (Simon Baker), al s è ritirâ da pôc ma almànc chi lò, a difarénsa ad Kaufman, 'l è rispetâ da la gint parchè al gh pòrta dal magnàr, dal madśìni e al gh śibìs prutèsiòṅ da i śómbi. Soquànt ad chi mòrt viṿ lè, cuma Big Daddy (Eugene Clark), benśinàr par na vita, i pàran bòṅ ad pinsàr e ad cumprénd'r i fat.
Durànt òṅ di sò viàś, Riley al finìs in un pòst in dua Chihuahua (Phil Fondacaro) al fà sù i bèsi faghénd cumbàtar na putàna ciamàda Slack (Asia Argento) cun di śómbi. Riley e Charlie (Robert Joy) i sàlvan la rója ma i èṅ custrét a cupàr Chihuahua e acsè i finìsan tut e tri in parśòṅ. Là dèntar la dóna la cònta che lē l'éra drē a èsar giustisiàda p'r órdan ad Kaufman parchè la lauràvar par Mulligan (Bruce McFee), òṅ ch'al s dava da far par far arvultàr i pòvar cónt'r i ric e padròṅ.
In cal mént'r al sasèṅ Cholo Demora (John Leguizamo), ch'adès al gh'à lò al Dead Reckoning sóta 'l cûl, al dmanda 'n apartamènt par lò in dal Green Fiddler ma Kaufman 'l al para via faghénd-al incasàr sèg. Incóra più arliâ i èṅ però i śómbi ch'i tórnan a la carga.