Il giorno degli zombi
|
C'l artìcul chè 'l è scrit in
Miranduléś |
 Day of the Dead
| ||
| Il giorno degli zombi | ||
 Dileo Jr. e la Lori Cardille in na figùra dal film | ||
| Al dè di śómbi 1985 | ||
|---|---|---|
| Regìa: George A. Romero | ||
| Scritōr: George A. Romero | ||
| Atōr: Lori Cardille • Terry Alexander • Joseph Pilato Anthony Dileo Jr. • Jarlath Conroy • Richard Liberty Sherman Howard • John Amplas • Greg Nicotero | ||
| Müsica: John Harrison | ||
| Léngua: Ingléś | ||
| Dürä dal film: 104 minüt | ||
| Nasiōṅ: Stat Unî | ||
Il giorno degli zombi (Al dè di śómbi) 'l è 'n film ad scarésa dal 1985 ad George A. Romero, tèrs capìtul dla saga di mòrt viṿ dòp La notte dei morti viventi (1968) e Zombi (1978), prima 'd La terra dei morti viventi (2005), Le cronache dei morti viventi (2007) e Survival of the Dead - L'isola dei sopravvissuti (2009). Al gh'à abû 'n afracimènt in dal 2008, Day of the Dead, dirèt par Steve Miner.
Custâ tri migliòṅ e mèś ad dòlar, al 'n à pò fat sù trénta-quàtar.
Sunt
I mòrt i s èṅ daśdâ incóra e adès i cmàndan lōr dapartùt. Soquànt parsòni però i èṅ scampàdi listés cuma 'l piòta giamaicàṅ 'd elicòtar John (Terry Alexander), la Sarah (Lori Cardille), Miguel Salazar (Anthony Dileo Jr.) e 'l uperadōr dla ràdio Bill McDermott (Jarlath Conroy). Rivâ in dla baś militàra di Everglades in Flòrida, al grup al próa a catàr na sulusiòṅ par cumbàt'r i śómbi e 'l siensiâ dutōr Logan (Richard Liberty) 'l è sicûr ch'a s pòsa in na quàlc manéra cuntrulàr-i e vìvar sèg. Al fà di esperimènt su Bub (Sherman Howard), un śómbi dòcil.
Al capitàṅ Rhodes (Joseph Pilato), vdénd ch'al magnàr 'l è drē a finìr e ch'a n s riva a gnint, al taca a 'rliàr-as e al decìd ad far cum a gh pâr a lò, al tōś al cumànd e al diś ch'al cuparà tut qvéi ch'i n faràṅ minga cum a diś lò. Quànd soquànt śómbi i màsan dū di sò óm, Rhodes al diś abàsta e 'l dà 'l órda'n ad far fóra tut i mòrt viṿ. Subìt dòp al s rénd anc cònt che Logan 'l iva druâ la carna di sò suldâ par prèmi da dar a i śómbi ch'i ubìdivan. Al capitàṅ 'l al cópa acsè cuma 'l dutōr Ted Fisher (John Amplas).