La donna esplosiva
|
C'l artìcul chè 'l è scrit in
Miranduléś |
 Weird Science
| ||
| La donna esplosiva | ||
 La Aronson e la Snyder in na figùra dal film | ||
| La dóna espluśìva 1985 | ||
|---|---|---|
| Regìa: John Hughes | ||
| Scritōr: John Hughes | ||
| Atōr: Anthony Michael Hall • Ilan Mitchell-Smith Kelly LeBrock • Bill Paxton • Robert Downey Jr. Judie Aronson • Suzanne Snyder • Robert Rusler | ||
| Müsica: Ira Newborn | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî | ||
La donna esplosiva (La dóna espluśìva) l'è na cumèdia americàna dal 1985 scrita e dirèta par John Hughes.
La pelìcula, custàda sèt migliòṅ e mèś ad dòlar, la 'n à fat sù dagnóra trénta-nóṿ. In dla culòna sunóra dal film i s càtan di pès di Oingo Boingo ad Danny Elfman, dla Kim Wilde, di Killing Joke e àt'r incóra.
Sunt
Gary Wallace (Anthony Michael Hall) e Wyatt Donnelly (Ilan Mitchell-Smith) i èṅ dū studènt americàṅ dimóndi braṿ a scōla ma piutòst sfigâ e ingiangulâ cun cal dóni. I èṅ da spés vitmi di schèrs di sò cumpàgn ad clas Ian (Robert Downey Jr.) e Max (Robert Rusler) ch'i gh'aṅ cuma muróśi dū ragàsi ch'i gh piàś'n a lōr, la Deb (Suzanne Snyder) e la Hilly (Judie Aronson).
A cà pò al ròbi par Wyatt, gèni dal computer, a n è minga ch'i vàgan tant méj parchè al gh'à 'n fradèl militàr ch'al gh dà sèmp'r adòs, Chet (Bill Paxton). Na sira, guardànd un film ad Frankenstein a la televiśiòṅ, a Gary a gh vîṅ l'idéa 'd dar vita lōr a na dóna parfèta druànd un prugràma infurmàtig e dal figùri ad dóni tajàdi via da soquànti rivìsti pòran, che lōr i dróan in bagn quànd i faṅ da par lōr, cumbinàdi c'n al sarvèl 'd Albert Einstein. Al riśultâ l'è na dóna più granda ma da lcar-'s i bafi che lōr i ciàman Lisa (Kelly LeBrock). Chi lē la taca a dar-as da far subìt p'r urganiśàr dal fèsti e dar dal curàǵ a i dū śōvan in manéra ch'i s dàgan na mòsa par far-'s avànti cun la Deb e la Hilly.