Bill Paxton

C'l artìcul chè 'l è scrit in Miranduléś

William "Bill" Paxton (Fort Worth, 17 ad Maǵ dal 1955 – Ojai, 25 ad Farvàr dal 2017) 'l è stâ 'n atōr, un regìsta e 'n prudutōr ad film americàṅ, candidâ par quàtar vòlti a i Golden Globe.

Biugrafìa

Uriginàri dal Tèxas, Paxton al spatìna da śōv'n a Los Angeles par lauràr cuma cataròbi par Roger Corman pò 'l và a star a New York par studiàr a la New York University. Al sò debùt cuma atōr 'l è in na pelìcula dal 1975 ad Jonathan Demme, Crazy Mama, anc s'al sò nóm al n cumparìs briśa ufisialmènt.

A 'l inìsi di an Utànta al rècita in dla cumèdia Stripes - Un plotone di svitati e in dal film dramàtic Cavalli di razza. In dal 1983 al tōś part a 'n film ad scarésa, Mortuary - Obitorio, méntar 'l an dòp al gira dū film dimóndi impurtànt par lò cuma Strade di fuoco e Terminator ad James Cameron. C'n al regìsta canadéś al lavóra anc in Aliens - Scontro finale dal 1986. 'L an dòp 'l è impgnâ invéci in Il buio si avvicina dla Kathryn Bigelow.

In di an Nuànta al gira Predator 2 ma 'l è cun Qualcuno sta per morire, pelìcula dal 1991 ch'l'à ciapâ dimóndi prèmi, ch'al cata la sò cunsacrasiòṅ. In dal 1993 al fà 'l amànt dla Sherilyn Fenn in Boxing Helena e 'l western Tombstone ad George Pan Cosmatos cun Kurt Russell e Val Kilmer. In séguit al tōś part a dū blockbuster cuma True Lies ad James Cameron e Apollo 13 ad Ron Howard e a 'n film indipendènt cuma Una cena quasi perfetta in du 'l fà 'n camiunìsta rasìsta scurtlâ a séna da 'n grup ad liberal ch'i n s al cumpatìvan briśa. In dal 1996 e in dal 1997 al gira i film catastròfic Twister e Titanic insém a Leonardo DiCaprio e a la Kate Winslet, pò al ciàpa na part in dal thriller Soldi sporchi ad Sam Raimi.

In dal 2001 al gira 'l sò prim film, Frailty - Nessuno è al sicuro. In dla sò caréra 'l à anc recitâ in soquànti séri televiśìvi cuma Miami Vice (1986), I racconti della cripta (2003) e Big Love (2006/2011) in du 'l fava la part 'd un pulìgam cun tri mujér e sèt fiōi.

Filmugrafìa

1975 - Crazy Mama, regìa ad Jonathan Demme
1981 - Stripes - Un plotone di svitati (Stripes), regìa 'd Ivan Reitman
1982 - Night Warning, regìa ad William Asher
1983 - Cavalli di razza (The Lords of Discipline), regìa ad Franc Roddam
1983 - Mortuary - Obitorio (Mortuary), regìa 'd Howard Avedis
1983 - Taking Tiger Mountain, regìa ad Tom Huckabee e 'd Kent Smith
1984 - Strade di fuoco (Streets of Fire), regìa ad Walter Hill
1984 - Terminator (The Terminator), regìa ad James Cameron
1984 - Impulse, regìa ad Graham Baker
1985 - La donna esplosiva (Weird Science), regìa ad John Hughes
1985 - Commando, regìa ad Mark L. Lester
1985 - Una gelata precoce (An Early Frost), regìa ad John Erman - Film TV
1986 - Aliens - Scontro finale (Aliens), regìa ad James Cameron
1987 - Il buio si avvicina (Near Dark), regìa dla Kathryn Bigelow
1987 - Assalto al network (Pass the Ammo), regìa ad David Beaird
1988 - Riding Fast, regìa ad Djordje Milicevic
1989 - Slipstream, regìa ad Steven Lisberger
1989 - Back to Back, regìa ad John Kincade
1989 - Vendetta trasversale (Next of Kin), regìa ad John Irvin
1990 - Brain Dead, regìa ad Adam Simon
1990 - Navy Seals - Pagati per morire (Navy Seals), regìa ad Lewis Teague
1990 - Punto d'impatto (The Last of the Finest), regìa ad John Mackenzie
1990 - Predator 2, regìa ad Stephen Hopkins
1991 - Destino trasversale (The Dark Backward), regìa 'd Adam Rifkin
1992 - I trasgressori (Trespass), regìa ad Walter Hill
1992 - Il cannibale metropolitano (The Vagrant), regìa ad Chris Walas
1992 - Qualcuno sta per morire (One False Move), regìa ad Carl Franklin
1993 - Ritorno a Tamakwa (Indian Summer), regìa ad Mike Binder
1993 - Boxing Helena, regìa ad Jennifer Lynch
1993 - Tombstone, regìa ad George Pan Cosmatos
1993 - Monolith - Impatto mortale (Monolith), regìa ad John Eyres
1994 - Future Shock, regìa 'd Eric Parkinson, Matt Reeves e Oley Sassone
1994 - True Lies, regìa ad James Cameron
1995 - Frank & Jesse, regìa ad Robert Boris
1995 - Apollo 13, regìa ad Ron Howard
1995 - Una cena quasi perfetta (The Last Supper), regìa dla Stacy Title
1996 - Conflitti del cuore (The Evening Star), regìa ad Robert Harling
1996 - Twister, regìa ad Jan de Bont
1997 - Svolta pericolosa (Traveller), regìa ad Jack Green
1997 - Titanic, regìa ad James Cameron
1998 - Il grande Joe (Mighty Joe Young), regìa ad Ron Underwood
1998 - Soldi sporchi (A Simple Plan), regìa ad Sam Raimi
2000 - U-571, regìa ad Jonathan Mostow
2000 - Vertical Limit, regìa ad Martin Campbell
2001 - Frailty - Nessuno è al sicuro (Frailty), regìa ad Bill Paxton
2002 - Spy Kids 2 - L'isola dei sogni perduti (Spy Kids 2: Island of Lost Dreams), regìa ad Robert Rodriguez
2003 - Resistance, regìa ad Todd Komarnicki
2003 - Spy Kids - Missione 3-D: Game Over (Spy Kids 3-D: Game Over), regìa ad Robert Rodriguez
2004 - Vacanze di sangue (Club Dread), regìa ad Jay Chandrasekhar
2004 - Thunderbirds, regìa ad Jonathan Frakes
2004 - Haven, regìa ad Frank E. Flowers
2007 - The Good Life, regìa ad Steve Berra
2011 - Knockout - Resa dei conti (Haywire), regìa ad Steven Soderbergh
2012 - Shanghai Calling, regìa ad Daniel Hsia
2013 - The Colony, regìa ad Jeff Renfroe
2013 - Red Wing, regìa ad Will Wallace
2013 - Cani sciolti (2 Guns), regìa ad Baltasar Kormákur
2014 - Million Dollar Arm, regìa ad Craig Gillespie
2014 - Edge of Tomorrow - Senza domani (Edge of Tomorrow), regìa ad Doug Liman
2014 - Lo sciacallo - Nightcrawler (Nightcrawler), regìa ad Dan Gilroy
2016 - Tempo limite (Term Life), regìa ad Peter Billingsley
2016 - Mean Dreams, regìa ad Nathan Morlando
2017 - The Circle, regìa ad James Ponsoldt

Culegamènt estéran

(EN) Filmugrafìa su IMDb

Àtar prugèt

Wikiquote contiene citazioni di o su Bill Paxton
Wikimedia Commons contiene file multimediali su Bill Paxton