C'l artìcul chè 'l è scrit in Miranduléś Emiliàn

Tetsuya Tsurugi


Tetsuya Tsurugi (鉄也 剣 in giapunéś, Tsurugi Tetsuya) 'l è 'n persunàǵ prutagunìsta d'l anime Gran Mazinga, creâ p'r al senegiadōr Gō Nagai.

Tetsuya 'l è 'n śōvan òrfan da 'l caràtar sarâ, sulitàri e minga tant chiēt. 'L è stâ tirâ sù da 'l prufesōr Kenzo Kabuto, diretōr dla baś dla Furtésa dal siénsi, par dvintàr al pilòta dal robot Gran Mazinga, putensiâ rispèt a 'l Mazinga Z 'd sò fiōl Koji, par cumbàt'r al pòpul di Mikenes ch'al vrév tōr al pòst dal gèn'r umàṅ, lōr ch'i èṅ custrét a vìvar sót-tèra. Tetsuya al n gh'à mai abû di amìg a part la Jun Hono, anc lē òrfna e carsùda da Kenzo par guidàr al robot Venus Alpha, ma più che àt'r a s trata dna culéga in cumpetisiòṅ sèg.

Tetsuya, par tōr al cuntról dal Gran Mazinga, al pilòta al Brain Condor, na spécie 'd aparéć da casa ch'al s culéga a 'l robot insfilsànd-'s in dla sò tèsta durànt na manòvra 'd tacamènt.

In Itàglia al sò persunàǵ 'l à ciapâ la vóś da Piero Tiberi.