Jennifer Connelly
|
C'l artìcul chè 'l è scrit in
Miranduléś |
La Jennifer Lynn Connelly, cgnusùda méj cuma Jennifer Connelly (Càiro, 12 ad Setémbar dal 1970) l'è n'atōra americàna, vinsidōra dal Prèmi Òscar dal 2002 cuma mijóra atōra minga prutagunìsta p'r al film A Beautiful Mind.
Biugrafìa
La Jennifer la crés in dal stat ad New York in du la taca a far la mudèla a déś an e soquànti reclàm cuma qvéla dla carta igiénica par la Scott. In séguit la cumparìs in dal vìddeo dla canta Union of the snake di Duran Duran.
A 'l inìsi di an Utànta la fà 'l sò debùt a 'l cìnema girànd par Martin Scorsese C'era una volta in America insém a Robert De Niro e a James Woods. In dal 1985 l'è la prutagunìsta dal film ad scarésa Phenomena ad Dario Argento méntar 'l an dòp insém a David Bowie l'è in dal cast dal film fantàstic Labyrinth - Dove tutto è possibile. In dal 1989 la fà la balarìna in Étoile ad Peter Del Monte.
In dal 1990 la tōś part a Hot Spot - Il posto caldo, film dramàtic cun Don Johnson e la Virginia Madsen, pò la decìd ad dar-'g un taj c'n al cìnema par studiàr létri a la Yale University par pò pasàr dòp la làurea a la Stanford University dedicànd-'s a 'l teàtar clàsic e dramàtic.
La Connelly la tórna a giràr di film in dal 1994 fagénd D'amore e ombra insém a Antonio Banderas e a la Stefania Sandrelli e L'università dell'odio 'l an dòp. In dal 1998 l'è la vòlta 'd Dark City, un noir scrit e dirèt p'r Alex Proyas. In dal 2001 la vins 'l Òscar p'r al film dramàtic A Beautiful Mind cun prutagunìsta Russell Crowe, pò la lavóra in Hulk cun Eric Bena, in La casa di sabbia e nebbia cun Ben Kingsley e in dal film ad scarésa Dark Water, arfacimènt dna pelìcula giapunéśa.
In dal 2009 l'è in dal cast ad La verità è che non gli piaci abbastanza, na cumèdia dramàtica cun la Scarlett Johansson, Ben Affleck, la Drew Barrymore e la Jennifer Aniston.
Filmugrafìa
- 1984 - C'era una volta in America (Once Upon a Time in America), regìa ad Sergio Leone
- 1985 - Phenomena, regìa ad Dario Argento
- 1985 - Sette minuti in Paradiso (Seven Minutes in Heaven), regìa dla Linda Feferman
- 1986 - Labyrinth - Dove tutto è possibile (Labyrinth), regìa ad Jim Henson
- 1988 - Some Girls, regìa ad Michael Hoffman
- 1988 - Étoile, regìa ad Peter Del Monte
- 1990 - Hot Spot - Il posto caldo (The Hot Spot), regìa ad Dennis Hopper
- 1991 - Tutto può accadere (Career Opportunities), regìa ad Bryan Gordon
- 1991 - Le avventure di Rocketeer (Rocketeer), regìa ad Joe Johnston
- 1994 - D'amore e ombra (Of love and shadows), regìa dla Betty Kaplan
- 1995 - L'università dell'odio (Higher Learning), regìa ad John Singleton
- 1996 - Scomodi omicidi (Mulholland Falls), regìa ad Lee Tamahori
- 1996 - Far Harbor, regìa ad John Huddles
- 1997 - Innocenza infranta (Inventing the Abbotts), regìa ad Pat O'Connor
- 1998 - Dark City, regìa 'd Alex Proyas
- 2000 - Waking the Dead, regìa ad Keith Gordon
- 2000 - Requiem for a Dream, regìa ad Darren Aronofsky
- 2000 - Pollock, regìa 'd Ed Harris
- 2001 - A Beautiful Mind, regìa ad Ron Howard
- 2003 - Hulk, regìa 'd Ang Lee
- 2003 - La casa di sabbia e nebbia (House of Sand and Fog), regìa ad Vadim Perelman
- 2005 - Dark Water, regìa ad Walter Salles
- 2006 - Little Children, regìa ad Todd Field
- 2006 - Blood Diamond - Diamanti di sangue (Blood Diamond), regìa 'd Edward Zwick
- 2007 - Reservation Road, regìa ad Terry George
- 2008 - Ultimatum alla Terra (The Day the Earth Stood Still), regìa ad Scott Derrickson
- 2008 - Inkheart - La leggenda di cuore d'inchiostro (Inkheart), regìa ad Iain Softley
- 2009 - La verità è che non gli piaci abbastanza (He's Just Not That Into You), regìa ad Ken Kwapis
- 2009 - Creation, regìa ad Jon Amiel
- 2010 - Virginia, regìa ad Dustin Lance Black
- 2011 - Il dilemma (The Dilemma), regìa ad Ron Howard
- 2011 - Salvation Boulevard, regìa ad George Ratliff
- 2012 - Stuck in Love, regìa ad Josh Boone
- 2014 - Storia d'inverno (Winter's Tale), regìa 'd Akiva Goldsman
- 2014 - Noah, regìa ad Darren Aronofsky
- 2014 - Shelter, regìa ad Paul Bettany
- 2014 - Il volo del falco (Aloft), regìa dla Claudia Llosa
- 2016 - American Pastoral, regìa 'd Ewan McGregor
- 2017 - Only the Brave, regìa ad Joseph Kosinski
- 2018 - Alita - Angelo della battaglia (Alita: Battle Angel), regìa ad Robert Rodriguez
Culegamènt estéran
Àtar prugèt
Wikiquote contiene citazioni di o su Jennifer Connelly
Wikimedia Commons contiene file multimediali su Jennifer Connelly
