Duran Duran

C'l artìcul chè 'l è scrit in Miranduléś

«

The wild boys are calling on their way back from the fire, in august moon's surrender to a dust cloud on the rise, wild boys fallen far from glory, reckless and so hungered.»

(EN)(The Wild Boys, 1984)

«

I ragàs savàd'g i èṅ drē a ciamàr mént'r i sa śluntànan da 'l fōg, in Agóst la Luna la gh dà a l'élta in dal méntar ch'a riva na nuvla 'd pólvra, i ragàs savàd'g i èṅ crudâ śò luntàṅ da la glòria, sénsa dal védar e acsè arliâ.»

(MUD)

I Duran Duran i èṅ un grup pop ingléś fundâ in dal 1978 a Birmingham. Insém a i Japan, a i Visage e a i Spandau Ballet i aṅ dâ vita in di an Utànta a la curènt new romantic e new wave.

I mémbar fundadōr dla banda i èṅ stâ Simon Le Bon (vóś), John Taylor (bas), Nick Rhodes (tastéri), Roger Andrew Taylor (baterìa) e Andy Taylor (chitàra). Chi lò 'l à pò mulâ 'l grup na prima vòlta in dal 1986 e pò definitivamènt in dal 2006 dòp èsar turnâ in dal 2001. Àtar mémbar di Duran Duran i èṅ stâ anc al chitarìsta Warren Cuccurullo e al baterìsta Sterling Campbell.

In dla caréra lōr i aṅ vindû da piò ad sènt-vint migliòṅ ad disc butànd śò di pès cuma The Wild Boys (inn di paninàr), The Reflex, Rio, Hungry Like the Wolf, Save a Prayer, Notorious, All She Wants Is, Violence of Summer, Ordinary World e Come Undone.

Discugrafìa

Àlbum

1981 - Duran Duran
1982 - Rio
1983 - Seven and the Ragged Tiger
1986 - Notorious
1988 - Big Thing
1990 - Liberty
1993 - The Wedding Album
1995 - Thank You
1997 - Medazzaland
2000 - Pop Trash
2004 - Astronaut
2007 - Red Carpet Massacre
2011 - All You Need Is Now
2015 - Paper Gods
2021 - Future Past

da 'l Viṿ

1984 - Arena
2005 - Live from London
2009 - Live at Hammersmith '82!
2012 - A Diamond in the Mind: Live 2011

Racòlti

1989 - Decade: Greatest Hits
1998 - Night Versions
1998 - Greatest
1999 - Strange Behaviour
2000 - The Essential Collection
2012 - The Biggest and the Best

Culegamènt estéran

(EN) Al sit uficiàł