Jack lo squartatore (film 1999)
|
C'l artìcul chè 'l è scrit in
Miranduléś |
 Love Lies Bleeding
| ||
| Jack lo squartatore | ||
.png) La Dunaway e la Raymond in na figùra dal film | ||
| Jack al squartadōr 1999 | ||
|---|---|---|
| Regìa: William Tannen | ||
| Scritōr: Tony Rush | ||
| Atōr: Paul Rhys • Emily Raymond • Faye Dunaway Malcolm McDowell • Noel le Bon • John Comer Wayne Rogers • Alice Bendová • Nancy Bishop | ||
| Müsica: Michal Dvorák | ||
| Léngua: Ingléś | ||
| Dürä dal film: 93 minüt | ||
| Nasiōṅ: Stat Unî • Austràglia | ||
Jack lo squartatore (Jack al squartadōr) 'l è 'n thriller biugràfic americàṅ e austragliàṅ dal 1999 ad William Tannen ispirâ a i masamènt dal 1888 ad Jack al squartadōr.
Sunt
La Catherine Winwood (Emily Raymond) l'è na śuvnòta ingléśa dna famìja bèṅ 'd Lóndra, la gh'à anc un sîṅ ch'l inséggna madśìna a l'università, Malcolm Mead (Malcolm McDowell). Avénd un caràtar fòrt e indipendènt, la decìd ad far la giurnalìsta andànd cónt'r i suo. La taca a lauràr p'r al giurnàł dla Josephine Butler (Faye Dunaway) ch'la la tōś vluntéra. La ragàsa l'è ligàda a 'l sò muróś cirùśig Jonathan (Paul Rhys), péna dvintâ primàri in dal sò uśdâł, 'n óm da 'l cōr bòṅ ch'al juta in dal sò tèmp lìbar la gint pòvra ch'la n s pōl minga parmét'r al curi.
A 'l impruvìś in dal quartēr a luś rósi 'd Whitechapel i tàc'n a murìr soquànti putàni, la prima l'è la pòvra Polly (Nancy Bishop). Tut cal dóni chè i èṅ catàdi cun la góla tajàda e dal vòlti sénsa di pès, tirâ via in manéra parfèta c'n un raśōr. 'L ispetōr Abberline (Wayne Rogers) al n è minga bòṅ ad saltàr-ag fóra, al próa a métar dèntar di cliènt dal rój cupàdi, 'l ùltim 'l è 'n culéga 'd Jonathan ciamâ Emmett-Lloyd (Noel le Bon). In cal mént'r al sasèṅ al taca a mandàr dal létri in du al dascór di sò masamènt e al s firma cuma Jack al squartadōr.
Dòp la mòrt dla scaja irlandéśa Mary Kelly (Andrea Miltner), ch'la Catherine la cgnusìva parchè la l'iva jutàda durànt na redàda dla pulisìa in dal burdèl in du la lauràva, la véra la vîṅ a gala.