Il pianeta errante
|
C'l artìcul chè 'l è scrit in
Miranduléś |
 Il pianeta errante
| ||
 La Colli e la Zalewska in na figùra dal film | ||
| Al pianēd nòmad 1966 | ||
|---|---|---|
| Regìa: Antonio Margheriti (firmâ Anthony Dawson) | ||
| Scritōr: Ivan Reiner • Renato Moretti | ||
| Atōr: Giacomo Rossi Stuart • Pietro Martellanza Ombretta Colli • Enzo Fiermonte • Franco Ressel Halina Zalewska • Goffredo Unger • John Bartha | ||
| Müsica: Angelo Francesco Lavagnino | ||
| Léngua: Itagliàṅ | ||
| Dürä dal film: 80 minüt | ||
| Nasiōṅ: Itàglia | ||
Il pianeta errante (Al pianēd nòmad), cgnusû anc cuma Missione pianeta errante, 'l è 'n film fantàstic dal 1966 'd Antonio Margheriti che però al s firma cuma Anthony Dawson, pseudònim americaniśâ druâ anc da gl'atōr più impurtànt Giacomo Rossi Stuart (Jack Stuart), Ombretta Colli (Amber Collins), Goffredo Unger (Freddy Unger) e Pietro Martellanza (Peter Martell).
A s trata dal tèrs film dla quadrilugìa „Gamma Uno“, prudóta p'r al marcâ televiśìṿ americàṅ.
Sunt
Al generàł Norton (Enzo Fiermonte) dal “Cmand Spasiàł dal Demucrasìi Unìdi” 'l è dimóndi in pinsēr par qvél ch'l è drē sucédar su la Tèra: taramòt, stravènt e inundasiòṅ cuma a n s 'n è mai vist. P'r andàr-'g in fónd al decìd ad tōr 'n astrunâṿ insém a sò fiōla Janet (Halina Zalewska) par rivàr a la baś spasiàla Gama Òṅ, esénd ch'i diśàst'r in dal mónd i èṅ cauśâ da 'n pianēd nòmad, rós e bujènt ch'al s ingrandìs sèmpar da piò tirànd dèntar tut gl'asteròid ch'l incróśa, ch'l è drē a davśinàr-'s a 'l sistéma sulàr intéran durànt al sò giràr p'r al spasi.
In cal mént'r al cmandànt dla baś, Rod Jackson (Giacomo Rossi Stuart), 'l è in misiòṅ insém a la tenènta Terry Sanchez (Ombretta Colli), a 'l capitàṅ Frank Perkinson (Goffredo Unger) e a 'l capitàṅ Emil Dubrowski (Pietro Martellanza) par bumbardàr al pianēd cun dal bómbi 'd anti-matèria prima ch'a sia tròp tard.