Il cigno nero (film 2010)

 Miranduléś

C'l artìcul chè 'l è scrit in Miranduléś

Black Swan
Il cigno nero
La Natalie Portman in na figùra dal film
Al sign négar 2010
Regìa: Darren Aronofsky
Scritōr: Andrés Heinz Mark Heyman • John J. McLaughlin
Atōr: Natalie Portman • Benjamin Millepied Vincent Cassel • Mila Kunis • Barbara Hershey Winona Ryder • Kristina Anapau • Ksenia Solo Janet Montgomery • Sebastian Stan • Tina Sloan
Müsica: Clint Mansell • Pëtr Il'ič Čajkovskij
Léngua: Ingléś
Dürä dal film: 108 minüt
Nasiōṅ: Stat Unî

«

Stanòt a-j-ò fat 'n insùni sénsa sèns... na ragàsa la vîṅ trasfurmàda in un sign... 'l amōr e gnint àtar al pōl scavśàr 'l incantéśum... ma 'l prìnsip al pèrd la tèsta par la ragàsa minga bòna e lē la s cópa.»

Il cigno nero (Al sign négar) 'l è 'n film dramàtic dal 2010 ad Darren Aronofsky. 'L è stâ preśentâ a 'l 69śum Fèstival ad Venèsia e 'l à fat sù da piò ad tarśènt-vintnóṿ migliòṅ ad dòlar parténd da 'n budget ad trédas.

Par cal film chè la Natalie Portman l'à vins al Prèmi Òscar cuma atōra prutagunìsta. Chi lē in dal set dal film l'à cgnusû al balarèṅ Benjamin Millepied che pò 'l è dvintâ sò marè.

Sunt

La Nina Sayers (Natalie Portman) l'è na balarìna ad talènt ma cun di prubléma ad caràtar par via dal rapòrt difìcil ch'la gh'à cun sò màdar Erica (Barbara Hershey), balarìna mancàda a sò vòlta, ch'la gh stà sèmp'r adòs e ch'la la trata da putìna. Un dè al diretōr artìstic Thomas Leroy (Vincent Cassel) al fà savēr ch'al vōl cambiàr la prima balarìna Beth (Winona Ryder), ch'la gh'à bèla vint-i-òt an, pròpria cun lē che p'r avér la part da prutagunìsta p'r al spetàcul 'd “Al Lâg di Sign” la gh'à dâ dèntar dimóndi a scàpit anc dla Lily (Mila Kunis) ch'la s rōd acsè al fégat.

'L ùnic prubléma che Thomas al véd in dla Nina 'l è ch'la n è minga nina abàsta, lò al vrév ch'la fus più purcùsa par far anc al Sign négar.

Culegamènt estéran

• (EN) La schéda dal film in s'l IMDb
• (IT) La schéda dal film in sal FilmTV
• (IT) La schéda dal film in sal sit dla Cunferénsa Episcupàla

Nòti