Giuliana Calandra
|
C'l artìcul chè 'l è scrit in
Miranduléś |
Giuliana Calandra (Muncalēr, 10 ad Favràr dal 1936 - Aprìglia, 25 ad Nuvémbar dal 2018) l'è stada n'atōra piemuntéśa.
Biugrafìa
La Giuliana Calandra la taca a lauràr p'r al cìnema quànd la gh'iva vint-a-dū an in dal film par la televiśiòṅ ad Vittorio Cottafavi La spada di Damocle dal 1958. In di an Ssanta e fîṅ a 'l 1973 la cuntìnua incóra a far dal part par dal sèri tv.
In cal mèntar la fà anc dal cumparsàdi in soquànt lungumetràǵ dirèt da di regìsta dal nòstri bandi cuma Federico Fellini (8½, Òt e mèś), Michelangelo Antonioni (Deserto rosso, Deśèrt rós) e Bernardo Bertolucci (Prima della rivoluzione, Prima dla rivulusiòṅ).
In dal 1973 la Lina Wertmüller la la sarnìs p'r al sò film Film d'amore e d'anarchia, ovvero 'stamattina alle 10 in via dei Fiori nella nota casa di tolleranza (Film 'd amōr e 'd anarchìa, in atri paròli stamatìna a déś óri in via di Fiōr in dal burdèl cgnusû bèṅ), ma al pùblic al la taca a cgnósar dabòṅ quànd la fà la part dla scritóra Amanda Righetti in dal film Profondo Rosso (Rós fónd) ad Dario Argento (l'è la dóna ch'la vèṅ andgàda in dl'àqua bujénta in dla sò vasca da bagn ad cà).
Cal film lè al gh pòrta un cuntràt ad dód'ś an p'r al cìnema faghént in manéra che la Giuliana la dis un taj a la sò caréra a teàtar. La gira acsè Caro Michele (1976), L'ultima donna (L'ultma dóna, 1976) ad Marco Ferreri, Il... Belpaese (Al... Paéśbèl, 1977), Ritratto di borghesia in nero (Ritràt dla burgheśìa in négar, 1978), e i tri film dal milanéś Alberto Lattuada: Così come sei (Acsè cuma 't sē, 1978), Il corpo della ragassa (Al còrp dla ragàsa, 1979) e La cicala (La sicàla, 1980) ch'i métan in móstra la sò bravitù in dal parti di drama.
In di an Utànta la rècita, fra i àtar, in di film Il turno (Al tùran, 1981) insém a Vittorio Gassman, Laura Antonelli e Paolo Villaggio, In viaggio con papà (In viàś cun al papà, 1982), Il petomane, ch'al dascór dla vita d'l artìsta francéś Joseph Pujol (Al scurśôṅ, 1983), insém a Ugo Tognazzi, Ricky Tognazzi, Gianmarco Tognazzi e la Mariangela Melato, L'allenatore nel pallone (’L alenadōr in cunfuśiòṅ, 1984) e Desiderando Giulia (Vlénd la Giùglia, 1986).
Filmugrafìa
- Film d'amore e d'anarchia, ovvero stamattina alle 10 in Via dei Fiori nella nota casa di tolleranza, regìa dla Lina Wertmüller 1973
- La nottata, regìa ad Tonino Cervi 1974
- Il bestione, regìa ad Sergio Corbucci 1974
- Tutto a posto e miente in ordine, regìa dla Lina Wertmuller 1974
- Di che segno sei?, regìa ad Sergio Corbucci 1975
- Profondo Rosso, regìa ad Dario Argento 1975
- Simone e Matteo un gioco da ragazzi, regìa ad Giuliano Carnimeo 1975
- Caro Michele, regìa ad Mario Monicelli 1976
- Giovannino, regìa ad Paolo Nuzzi 1976
- Squadra antifurto, regìa ad Bruno Corbucci 1976
- Terminal, regìa ad Paolo Breccia 1976
- L'ultima donna, regìa ad Marco Ferreri 1976
- Il... Belpaese, regìa ad Luciano Salce 1977
- Difficile morire, regìa 'd Umberto Silva 1977
- Ecco noi per esempio..., regìa ad Sergio Corbucci 1977
- La segretaria privata di mio padre, regìa ad Mariano Laurenti 1977
- Così come sei, regìa 'd Alberto Lattuada 1978
- Quando c'era lui... caro lei!, regìa ad Giancarlo Santi 1978
- Ritratto di borghesia in nero, regìa ad Tonino Cervi 1978
- Chiaro di donna, regìa ad Costa-Gravas 1979
- Il corpo della ragassa, regìa ad Pasquale Festa Campanile 1979
- Il lupo e l'agnello, regìa ad Francesco Massaro 1980
- Il turno, regìa ad Tonino Cervi 1981
- Bello mio, bellezza mia, regìa ad Sergio Corbucci 1982
- In viaggio con papà, regìa 'd Alberto Sordi 1982
- Dio li fa e poi l'accoppia, regìa ad Steno 1982
- Sesso e volentieri, regìa ad Dino Risi 1982
- Arrivano i miei, regìa ad Ninì Salerno 1983
- L'allenatore nel pallone, regìa ad Sergio Martino 1984
- A tu per tu, regìa ad Sergio Corbucci 1984
- Un caso d'incoscienza, regìa 'd Emidio Grieco 1984
- Jocks, regìa ad Riccardo Sesani 1984
- Occhio nero, occhio biondo, occhio felino..., regìa ad Loffredo Muzzi 1984
- Uno scandalo perbene, regìa ad Pasquale Festa Campanile 1984
- Desiderando Giulia, regìa 'd Andrea Barzini 1986
- Professione Vacanze (Sèrie Tv), regìa ad Vittorio De Sisti 1986
- Il coraggio di parlare, regìa ad Leandro Castellani 1987
- Regina, regìa ad Salvatore Piscicelli 1987
- Rimini Rimini, regìa ad Sergio Corbucci 1987
- La cintura, regìa ad Giuliano Gamba 1989
- E non se ne vogliono andare!, regìa ad Giorgio Capitani 1989
- Faccione, regìa ad Christian De Sica 1990
- Non chiamarmi Omar, regìa ad Sergio Staino 1992
- Mari del sud, regìa ad Marcello Cesena 2001
- L'allenatore nel pallone 2, regìa ad Sergio Martino 2008