Giovani diavoli
|
C'l artìcul chè 'l è scrit in
Miranduléś |
 Idle Hands
| ||
| Giovani diavoli | ||
 Devon Sawa in na figùra dal film | ||
| Diavùi śōvan 1999 | ||
|---|---|---|
| Regìa: Rodman Flender | ||
| Scritōr: Terri Hughes Burton • Ron Milbauer | ||
| Atōr: Devon Sawa • Seth Green • Elden Henson Jessica Alba • Vivica A. Fox • Christopher Hart Jack Noseworthy • Katie Wright • Ricky Martin | ||
| Müsica: Graeme Revell | ||
| Léngua: Ingléś | ||
| Dürä dal film: 92 minüt | ||
| Nasiōṅ: Stat Unî | ||
Giovani diavoli (Diavùi śōvan) l'è na cumèdia 'd scarésa americàna dal 1999 ad Rodman Flender, giràda in Califòrgna. Custàda vint-sinc migliòṅ ad dòlar, la 'n à fat pò sù sōl quàt'r e dū.
In dla culòna sunóra dal film i s càtan di pès metal di Mötley Crüe (Shout At The Devil), di Rancid (Bloodclot), ad Rob Zombie (Dragula), di Pantera (Good friends & a Bottle of Pills), 'd Ace Frehley (New York Groove), di Blink 182 (Enthused) e di The Offspring (Beheaded), qvist chè anc atōr in dal film acsè cuma Ricky Martin ch'al fà la part d'n óm in dal parchéǵ.
Sunt
In na sitadìna dla Califòrgna, Anton Tobias (Devon Sawa) 'l è 'n śōvan palandròṅ ch'al n fà gnint tut al dè, a part guardàr la televiśiòṅ o fumàr dla marijuàna. Al ragàs al gh'à na muróśa ciamàda Molly (Jessica Alba).
Un dè al fà a mènt par caś ch'in cà i gh'èṅ i cadàv'r ad sò pàdar (Fred Willard) e 'd sò màdar (Connie Ray). A masàr-i 'l è stâ pròpria lò dū dè prima, mo a dir dabòṅ l'è stada la sò maṅ sóta 'l cuntròl 'd un dèmun (Christopher Hart) ch'al sarnìs al sò vitmi tgnénd in cònt dla vój ch'i gh'àṅ ad far gnint. Anton in séguit al cópa anc dū pulisiòt e dū sò amìg, Mick (Seth Green) e Pnub (Elden Henson), che però i tórnan in vita da sót-tèra in du lò al i iva saplî in giardèṅ.
In sità a riva na śuvnòta, la Debi LeCure (Vivica A. Fox), ch'l'è 'n as ad brìscula in fat 'd ucultìśum. Anton, in cal méntar, al decìd ad śgar-as via la maṅ.