Generàł Angoras

C'l artìcul chè 'l è scrit in Miranduléś

Al Generàł Angoras, cgnusû anc cuma Lord Angoras, 'l è 'n persunàǵ d'l anime Gran Mazinga, creâ p'r al senegiadōr Gō Nagai.

Angoras, cmandànt di móstar gueriēr pés e anfìbi, 'l è òṅ di sèt generài dal Gran Maresiàl dal Demòni e prima incóra dal Generàł Négar in fiṅ tant che chi lò al mōr in un cumbatimènt a l'arma biànca cun Tetsuya Tsurugi.

A séguit dal prucès ad rubutiśasiòṅ di abitànt dal pòpul ad Mikenes, Angoras 'l è finî dènt'r a 'n robot cun la tèsta dna rana pescadōra cun di òć rubîn e palâ vérd, méntar la sò ghigna l'è in dal cantòṅ finàł dal curnèṅ péndul ch'la salta fóra sentralmènt da la frònt dal móstar 'd asàł.

Al generàł al mōr in dl'ultma puntàda dal cartòṅ animâ ad òpra 'd Venus Alpha ch'la gh spara adòs i sò raś futònic méntar lò al pruàva a tgnir sòdi Mazinga Z stricànd-al p'r i pē

In Itàglia 'l è stâ ardupiâ p'r Arturo Dominici.