Full Metal Jacket
|
C'l artìcul chè 'l è scrit in
Miranduléś |
 Full Metal Jacket
| ||
 Adam Baldwin in na figùra dal film | ||
| Prujètil blindâ 1987 | ||
|---|---|---|
| Regìa: Stanley Kubrick | ||
| Scritōr: Stanley Kubrick Michael Herr • Gustav Hasford | ||
| Atōr: Matthew Modine • Vincent D'Onofrio Adam Baldwin • R. Lee Ermey • Ed O'Ross Arliss Howard • Dorian Harewood • Kirk Taylor | ||
| Müsica: Vivian Kubrick | ||
| Léngua: Ingléś • Vietnamît | ||
| Dürä dal film: 116 minüt | ||
| Nasiōṅ: Stat Unî • Régn Unî | ||
Full Metal Jacket (Prujètil blindâ) 'l è 'n film ad guèra americàṅ dal 1987 ad Stanley Kubrick ch'al tōś ispirasiòṅ da 'l rumànś “Nâ par masàr” d'l èx marine Gustav Hasford. La senegiadùra minga uriginàla l'è stada candidàda a i Prèmi Òscar dal 1988.
Custâ trénta migliòṅ ad dòlar, la pelìcula la 'n à pò purtâ a cà da piò da quarànta-siē cuntànd i sōi Stat Unî.
Sunt
In un camp 'd adestramènt militàr dla Carulìna dal Sud, al sergìnt Hartman (Ronald Lee Ermey) al tira sù i suldâ in na manéra dimóndi dura par far-i dvintàr dal màchini parfèti 'd mòrt, dand-'g adòs, ufindénd-i da spés e insgnànd-'g a vlēr bèṅ sōl a i sò sćiòp.
Joker (Matthew Modine) 'l è òṅ ad chi marine lè e 'l vrév far al giurnalìsta. Chi lò al dvènta subìt amìg ad Cowboy (Arliss Howard) méntar Leonard Lawrence (Vincent D'Onofrio) 'l è sèmp'r umiliâ davànti a tut e tgnû schis da Hartman ch'l al ciàma anc Bòcia 'd Lard parchè 'l è 'n ciciòṅ ch'al n figùra minga bèṅ in d'l eśèrcit. La nòt prima 'd partìr p'r al Vietnam Leonard al tira na sćiuptàda a 'l sergìnt cupànd-al.
In di méś a vgnir al grup 'l è mandâ a cumbàt'r a Huế. Chè Jocker al fà 'l giurnalìsta par la rivìsta 'd prupagànda Stars and Stripes.