C'l artìcul chè 'l è scrit in Miranduléś Emiliàn

Highway
Fuga da Seattle

Jeremy Piven in na figùra dal film
Scapàda da Seattle
2002
Regìa: James Cox
Scritōr: Scott Rosenberg
Atōr: Jared LetoSelma BlairJeremy Piven
Jake GyllenhaalJohn C. McGinleyArden Myrin
Kimberley KatesMark RolstonConrad Goode
Müsica: Rich Robinson di The Black Crowes
Léngua: Ingléś
Dürä dal film: 97 minüt
Nasiōṅ: Stat Unî


«
Da i prudutōr ad THE CELL e S1M0NE.»
(Tagline dal film)


Fuga da Seattle (Scapàda da Seattle) 'l è 'n film dramàtic e 'd asiòṅ dal 2002 ad James Cox girâ c'n un budget ad quatórsas migliòṅ ad dòlar.

Sunt

Jack Hayes (Jared Leto) 'l è 'n śōv'n ad Las Vegas che par campàr al tîṅ adrē a la pisìna ad Burt Miranda (Mark Rolston), un criminàł ch'l à fat i bèsi. Un dè chi lò al bèca 'l ragàs a far sès cun sò mujēr Jilly (Kimberley Kates) e, incasâ négar sèg, al decìd ad dar-ag na lesiòṅ. Jack al decìd ad scapàr via da la sità dal pcâ insém a 'l sò amìg spaciadōr Pilot Kelson (Jake Gyllenhaal) ch'al gh'à intensiòṅ 'd andàr a Seattle p'r andàr a catàr na sò èx muróśa.

Lung la via i dū i dàn'n un pasàǵ a na ragàsa ciamàda Cassie (Selma Blair) e a Johnny the Fox (John C. McGinley), un rasta fóra 'd tèsta. Rivâ in dal stat ad Washington, in di dè dla mòrt ad Kurt Cobain leader di Nirvana, al grup al s rénd cònt 'd avēr-'g adrē i óm ad Burt ch'i gh dànan la casa.

Culegamènt estéran