Fight club
|
C'l artìcul chè 'l è scrit in
Miranduléś |
 Fight club
| ||
 Brad Pitt bruśâ da 'l râṅ in na figùra dal film | ||
| Al club di cumbatimènt 1999 | ||
|---|---|---|
| Regìa: David Fincher | ||
| Scritōr: Chuck Palahniuk • Jim Uhls | ||
| Atōr: Edward Norton • Brad Pitt • Zach Grenier Meat Loaf • Jared Leto • Tyrone R. Livingston Richmond Arquette • Helena Bonham Carter David Andrews • Christina Cabot • Tim DeZam | ||
| Müsica: Dust Brothers | ||
| Léngua: Ingléś | ||
| Dürä dal film: 139 minüt | ||
| Nasiōṅ: Stat Unî | ||
Fight club (Al club di cumbatimènt) 'l è 'n film dramàtic americàn dal 1999 ad David Fincher trat da 'l rumànś umònim ad Chuck Palahniuk.
Custâ ssanta-tri migliòṅ ad dòlar, al 'n à pò purtâ a cà da piò ad sènt. Ad dèntar al gh'à anc di futugràma subliminài, cuma a la fiṅ quànd a s véd par dū frame un cas dûr[1].
Al film 'l è stâ numinâ a i Prèmi Òscar dal 2000 in dla categurìa Muntàǵ sunōr fat méj, sénsa però vìnsar.
Sunt
Un cunsulènt ch'al lavóra in dal camp di asicurasiòṅ p'r al màchini (Edward Norton), al fà la vita dal milurdèṅ, sèmpar cun la camìśa e la cruàta adòs, ma al gh'à anc dimóndi ad chi prubléma dla vita mudèrna: al n è briśa bòṅ ad durmìr la nòt e 'l è pîṅ 'd ansa. Al s tira sù, par qvél ch'al pōl, tulénd part a di grup 'd ascōlt in dua la gint la cònta a chi àtar tut i brut mâi ch'i gh'ànan, cuma Bob Paulson (Meat Loaf), 'n umòṅ ch'al gh'à la dasfurtùna 'd avér-ag dal tèti grôsi. 'L asicuradōr al cgnós lè in mèś anc la Marla Singer (Helena Bonham Carter), na ragàsa che cuma lò la fà finta 'd èsar malàda par psēr scultàr dla gint sćèta sèg.
Durànt i sò viàś ad lavōr, chi lò al dvénta amìg ad Tyler Durden (Brad Pitt), òṅ fat a la sò manéra ch'al vénd di savòṅ. Insém i decìd'n ad mét'r in pē un club segrê par gint ch'la vōl dar-ag śò 'l un cun c'l àtar, dand vita a di cumbatimènt a 'l ùltim sangṿ.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTV
- (IT) La schéda dal film in sal sit dla Cunferénsa Episcupàla