Emosiòun

C'l artìcol chè 'l è scrit in Carpśàn

Na margherìta dagli emosiòun, indû i s vèden elenchèdi soquànti gradasiòun dagli emosiòun ch'i pasen da ùna a cl'ètra śvèina.

«

...Don't you know promises were never meant to keep
Just like the night, they dissolve off in sleep
I'll be your savior, steadfast and true
I'll come to your emotional rescue...»

(EN)(Un pcóṅ dla cansòun Emotional rescue di Rolling Stones, 1980)

«

...Nn al sèt brìśa, che 'l promèsi i nn'éren mai stèdi mantgnùdi?!
Acsè, damànd la nòt, i sparìsen in dal sòn
Mè a 't gnarò in socōrs, fort e sincēr
A dvintarò al tó socórs emotìv...»

(CARPŚ)

N' emosiòun (emozione in itagliàṅ), a dìr di psicòlog, l'è n'esperiìnsia minga tant śèinpia, ch'la casca sù dimòndi lavōr e la dvèinta da cìca anca a dimòndi grosa e la servis a quī ch'i la sèinten, la gh'servìs a organiśèr méj al capìr ed quèl ch'a sucéd in dl ambiìnt, per fèregh fròunt più facilmèint e in dla manéra mióra.

Al fìśic ed chi próva n'emosiòun al s prepèra, ch'a gh'sìa d'avér pavùra, ch'a gh'sìa da rabières, d'argiulìres, al s prepèra a fèr fròunt sàinsa eśitasiòun, a 'l acadimèint ch'à fat gnir sù cl'emosiòun lè.

Cuś'in diś la Psicologìa

I psicòlog i fàn dimòndi chèś ai emosiòun di agìnt, che quistichè i ìn damànd na spiegasiòun fóra dai schéma ed quèl ch'i proven i cristiàṅ ed fròun a 'n acadimèint o a 'n pinsér gnanc tròp evidèint.

In dla psicologìa edl'etê ch'a s crès

Quand a s nas, eli emosiòun i nn'ìn minga incòr perfesionèdi in dla só espresiòun e incòr méno in dal capìr dal putèin.
Al putèin apèina nê al gh'avrèv, a dìr di psicòlog, un stêt 'd emosiòun ecitèdi indiferensièdi, ch'i andràn a dvintèr più precìśi e fini man a man che la socialiśasiòun dal putèin al gh'i farà capìr e giustèr in dla só espresiòun.

Manéri 'd dìr

(CARPŚ) Ajò sintî n’emosiòun quand a 't ò vist, ch'a n'śmingarò mai, (IT) Ho sentito un'emozione quando ti ho visto, che non dimenticherò mai.
(CARPŚ) Quand ajò catê la só lettra, ajò pruvê n’emosiòun dimòndi grosa, (IT) Quando ho trovato la sua lettera, ho provato una grandissima emozione.

Vōś lighèdi

Noti e referèinsi

Èter progèt

Wikimedia Commons contiene file multimediali su Emosiòun
Wikizionario contiene la voce di dizionario «Emosiòun»

Colegamèint estèren

(IT) La vóś in sìm'a 'l vocabolàri Treccani.
(IT) D'indû a deśvìn al só nòm in sìm'a etimo.it.
(EN) Al vìddeo di an Utànta dla cansòun di Rolling Stones "Emotional rescue" in dal youtube.