Ellen DeGeneres

C'l artìcul chè 'l è scrit in Miranduléś

«

We're told to go on living our lives as usual, because to do otherwise is to let the terrorists win, and really, what would upset the Taliban more than a gay woman wearing a suit in front of a room full of Jews?»

(EN)(Al sò dascōrs a i “Emmy Awards” dal 4 ad Nuvémbar dal 2001)

«

I s aṅ dit ad cuntinuàr a vìv'r al nòstri viti cuma sèmpar, parchè cumpurtàr-as difarènt a vrév dir far vìns'r i terurìsta e, dabòṅ, csa prév squasàr da piò i talibàṅ dna dóna omosesuàla ch'la spiàna 'n vistî da sira in na sala pîna 'd ebrèj?»

(MUD)

La DeGeneres tòlta śò in dal 2012 durànt la sò premiasiòṅ a 'l *Hollywood Walk of Fame*

L’Ellen Lee DeGeneres (Metairie, 26 ad Śnar dal 1958, a s lèś [ˈɛlən liː dɨˈdʒɛnəɹəs] in ingléś), l'è n'atōra, prudutōra, scritōra, ardupiadōra, còmiga e cundutōra televiśìva americàna.

Spuśàda da 'l 2008 cun l'atōra austragliàna Portia de Rossi, da 'l 2003 la preśénta 'l talk show The Ellen DeGeneres Show su 'l canàł NBC.

Biugrafìa

Uriginària dla Luiśiàna, dòp la separasiòṅ di sò genitōr la lasa New Orleans a quìnd'ś an p'r andàr a star cun sò màd'r e 'l sò padrìgn, ch'al l'à anc mulestàda, a Atlànta (Tèxas). Avénd mulâ i studi a l'università, la s inśéggna a far di lavursèṅ da cumésa, giurnalìsta, śbiancśìna, hostess e barìsta.

A gl'inìsi di an Utànta la taca a giràr i Stat Unî faghénd di spetàcui 'd cabaret e in dal 1982 al canàł Showtime al la batéśa cuma la „parsòna più divertènta 'd Amèrica“. In séguit l'è òspit dal Tonight Show e l'è anc intervistàda par Johnny Carson.

In dal 1994 l'è la prutagunìsta dla sitcom ad sucès Ellen, almànc in dal primi dū stagiòṅ e traśmìsa anc in Itàglia, in du 'l sò persunàǵ, in na quàlc manéra auto-biugràfic, in d'l Avrìl dal 1997 al cunfèsa 'd èsar lèśbica. Dòp al coming out però la DeGeneres la fà fadìga a catàr di rōi da far parchè i gh in śibìsan pôc. In dal 2000 la tōś part a 'l film Women, dirèta par la sò muróśa 'd in alóra, l'Anne Heche.

In dal Setémbar dal 2003 la preśénta 'n talk show ad sucès ch'al và in ónda tut i dè, anc adès, da 'l tìtul The Ellen DeGeneres Show. In séguit la preśénta la serimògna di Prèmi Òscar in dal 2007 e la fà la part dal giùdas in soquànt prugràma televiśìv cuma So You Think You Can Dance e American Idol.

Filmugrafìa

1993 - Teste di cono (Coneheads), regìa ad Steve Barron
1996 - Un marito... quasi perfetto (Mr. Wrong), regìa ad Nick Castle
1998 - Goodbye Lover, regìa ad Roland Joffé
1999 - EdTV, regìa ad Ron Howard
1999 - La lettera d'amore (The Love Letter), regìa ad Peter Chan
2000 - Women (If These Walls Could Talk 2), regìa dla Jane Anderson, dla Martha Coolidge e dl'Anne Heche - Film TV
2001 - Reaching Normal, regìa dl'Anne Heche
2003 - Pauly Shore Is Dead, regìa ad Pauly Shore

Ellen DeGeneres

Biugrafìa

Filmugrafìa

Culegamènt estéran