Electric Six

C'l artìcul chè 'l è scrit in Miranduléś

«

You! I wanna take you to a gay bar, I wanna take you to a gay bar, I wanna take you to a gay bar, gay bar, gay bar. Let's start a war, start a nuclear war, at the gay bar, gay bar, gay bar. Wow! At the gay bar. Now tell me do ya, a do ya have any money? I wanna spend all your money, at the gay bar, gay bar, gay bar. I've got something to put in you.»

(EN)(Gay Bar, 2003)

«

Tè! A t vój purtàr a 'n bar gay, a t vój purtàr a 'n bar gay, a t vój purtàr a 'n bar gay, bar gay bar gay. Tachéma na guèra, tachém na guèra nucleàr, in dal bar gay, bar gay, bar gay. Cajùsi! In dal bar gay. Dì'm adès, gh'à't di bèsi? A vój spéndar tut i tò bèsi, in dal bar gay, bar gay, bar gay. A gh'ò 'n quèl da mét'r-at dèntar.»

(MUD)

Gl’Electric Six i èṅ un grup rock alternatìṿ americàṅ fundâ in dal 1996 a Detroit (Mìchigan). La banda la mìsćia insém al garage rock cun la disco music, al punk rock, la new wave e 'l metal tant ch'al sò stîl muśicàł 'l è batśâ cuma „genre-blurring“ ch'a vōl dir „gèn'r indistìnt“.

I tèst dal sò canti i èṅ dagnóra tut scrit p'r al cantànt Dick Valentine, nóm 'd art ad Tyler Spencer. I dascór'n ad burli e da spés i èṅ divertènt, sénsa sèns o cun di riferimènt a 'l sès. Gl'artìsta ch'i aṅ ispirâ 'l grup, a sò dita, i èṅ Freddie Mercury, i Talking Heads, Falco, i Devo, i Black Sabbath e i Kiss.

Fra i sò sìngui da 'rcurdàr a nutém Danger! High Voltage, Gay Bar e Radio Ga Ga, cover di Queen. Tut chi tri pès chè i gh l'aṅ cavàda a finìr in di prim pòst dal clasìfichi dal Régn Unî, preciśamènt a 'l puśisiòṅ 2 - 5 - 21.

Furmasiòṅ

Mémbar 'd adès

Dick Valentine - vóś
Johnny Na$hinal - chitàra
Da Ve - chitàra
Rob Lower - bas
Two-Handed Bob - baterìa
Tait Nucleus? - tastéri

Discugrafìa

Àlbum in studi

2003 - Fire
2005 - Señor Smoke
2006 - Switzerland
2007 - I Shall Exterminate Everything Around Me That Restricts Me from Being the Master
2008 - Flashy
2009 - KILL
2010 - Zodiac
2011 - Heartbeats and Brainwaves
2013 - Mustang
2014 - Human Zoo
2015 - Bitch, Don't Let Me Die
2016 - Fresh Blood for Tired Vampyres
2017 - You're Welcome!

Àlbum da 'l viṿ

2012 - Absolute Pleasure

Racòlti

2008 - Sexy Trash

Sìngui

2003 - Danger! High Voltage
2003 - Gay Bar
2003 - Dance Commander
2004 - Vibrator
2004 - Radio Ga Ga
2006 - I Buy the Drugs
2010 - Jam It in the Hole
2011 - Interchangable Knife

Culegamènt estéran

(EN) Al sit ufisiàł dal grup