Educazione inglese
|
C'l artìcul chè 'l è scrit in
Miranduléś |
 Éducation anglaise
| ||
| Educazione inglese | ||
 L'Obaya Roberts in na figùra dal film | ||
| Educasiòṅ ingléśa 1983 | ||
|---|---|---|
| Regìa: Jean-Claude Roy | ||
| Scritōr: Jean-Claude Roy | ||
| Atōr: Obaya Roberts • Jean-Claude Dreyfus Caroline Laurence • Brigitte Lahaie • Jean Antolinos Catherine Leno • Bernard Musson • Fabienne Beze | ||
| Müsica: Philippe Bréjean | ||
| Léngua: Francéś | ||
| Dürä dal film: 90 minüt | ||
| Nasiōṅ: Frància | ||
Educazione inglese (Educasiòṅ ingléśa) 'l è 'n film eròtic francéś dal 1983 scrit e dirèt par Jean-Claude Roy.
Sunt
Parì, aṿtòṅ dal 1935. Al burghéś Jean Dumarcay (Dimitri Rafalsky), catànd cla vacàsa 'd sò mujēr Berta (Martine Ollivier) a lèt cun 'n àt'r óm, al decìd ad masàr-la par pò sparàr-'s in tèsta e far-la finìda par la vargóggna. La fiōla dla còpia, la Sylvie (Obaya Roberts), la vîṅ dada in afidamènt a 'n tutōr sò sîṅ, Pierron (Jean Antolinos), che, par psēr gusàr-'s in santa paś la dóna di fat Henriette (Brigitte Lahaie) e p'r avēr i bèsi di Dumarcay tut par lò, al decìd ad mandàr-la in un culéǵ dimóndi dûr, a l'ingléśa. La diretōra Genevière (Caroline Laurence) lè dimóndi catìva, acsè cuma la mistra Maximilienne (Catherine Leno) ch'la gh'à sèmp'r in maṅ un spróc da druàr quànd a sarvìs.
Ólt'r a 'l prufesōr 'd bòni manéri (Pierre Risch), a 'l jutànt Julien (Bernard Musson) e a la cōga (Marcelle Barreau), in dla strutùra a gh'è da pôc anc na mistra nóva piutòst masćiùsa in dal fìśic, la Georgina (Jean-Claude Dreyfus), ch'a dir dabòṅ 'l è 'n sasèṅ amànt dla diretōra, Georges, tgnû lè par quaciàr-al da la pulisìa.
Al ragàsi i èṅ da spés punìdi cun dal patóni in dal cûl e di cōlp ad scùria s'i n fànan minga a mōd ma i càtan la manéra 'd divertìr-as listés fra 'd lōr faghénd al bagn in dal lat e śugànd a sugàr-'s a vicénda. La Sylvie la dvènta amànta dla Claire (Véronique Catanzaro) ma pò, quànd la relasiòṅ la dvènta 'n quèl sèri, chi lē la gh'à da lasàr la scōla parchè sò màdar la gh'à da partìr par la Śvèsia. Anc la Sarah (Véronique Guillaud) la gh'arév da mulàr al culéǵ dòp la mòrt di sò genitōr, esénd armàśa sénsa bèsi par pagàr la rèta. Par star lè listés la s cumpatìs a far da sèrva, pland al patàchi e dand al stras par tèra, prima 'd tintàr al suicìdi.
Un dè la Sylvie la cava via la pirùca da 'l cô dla Georgina, avénd capî ch'l è 'l sasèṅ pascâ da la gendarmerìa, e lò, par vindicàr-as, al la viulénta anc se la ragàsa la gh cata gust, dvintànd na sàdiga cuma lò e la diretōra.