E Johnny prese il fucile
|
C'l artìcul chè 'l è scrit in
Miranduléś |
 Johnny Got His Gun
| ||
| E Johnny prese il fucile | ||
 Timothy Bottoms in na figùra dal film | ||
| E Johnny 'l à tòlt al sćiòp 1971 | ||
|---|---|---|
| Regìa: Dalton Trumbo | ||
| Scritōr: Dalton Trumbo, da 'n sò rumànś dal 1939 | ||
| Atōr: Timothy Bottoms • Diane Varsi • Kathy Fields Donald Sutherland • Donald Barry • Marsha Hunt Charles McGraw • Jason Robards • Peter Brocco Eric Christmas • Eduard Franz • Craig Bovia | ||
| Müsica: Jerry Fielding | ||
| Léngua: Ingléś | ||
| Dürä dal film: 111 minüt | ||
| Nasiōṅ: Stat Unî | ||
E Johnny prese il fucile (E Johnny 'l à tòlt al sćiòp) 'l è 'n film dramàtic dal 1971 scrit e dirèt par Dalton Trumbo, girâ quànd al gh'iva bèla ssanta-siē an. 'L à vins al prèmi speciàl dla giurìa a 'l 24śum Fèstival ad Cannes.
A s trata dla sōla pelìcula dla caréra dal senegiadōr uriginàri dal Culuràdo parchè, vitma dal macartìśum, 'l è stâ casâ via da Hollywood.
Sunt
Al śōv'n americàṅ Joe Bonham (Timothy Bottoms) al vîṅ ciamâ a far al militàr p'r al sò paéś e spedî in sal frònt francéś durànt la prima guèra mundiàla lasànd la sò muróśa, la Kareen (Kathy Fields), sò pàdar (Jason Robards) e sò màdar (Marsha Hunt) in di Stat Unî
Durànt 'l ùltim dè 'd guèra al vîṅ culpî da n'òbis ad canôṅ drit in dal pèt ma al la scampa listés par miràcul, purtâ in salv da gl'aleâ ch'i al cùran in 'n uśdàł militàr. Joe però 'l è mis mâł, ardùt a 'n tróś umàṅ (un pès ad carna ch'la viṿ): 'l à pardû i bras e 'l gambi, la vista, 'l udî e 'l viṿ tacâ a 'n respiradōr, cun na mascra adòs.
Dòp un para 'd an in cla manéra lè, 'l impàra a far-as capìr muvénd la tèsta sù e śò, tgnénd a drē a 'l alfabét Morse e al dmanda a i dutōr ad cupàr-al o sinò 'd rénd'r-al un śavàj da far védar in gir p'r al mónd par far cumpréndar a tut al scarési e la matéria dla guèra. A 'l inìsi chi muimènt lè i n èṅ briśa capî (i pàran i ségn 'd un mat) e Joe a 'l vîṅ indurminsâ a fòrsa, ma pò, cun 'l ajùt di militàr, finalmènt i al capìsan ma i decìdan listés 'd a n cuntintàr-al minga. Sōl n'infarméra (Diane Varsi) ch'la gh'à pietà 'd lò la próa a tiràr-ag via al tubèṅ ma la vîṅ paràda via a 'l ùltim minùt.
Joe al s rénd cònt ch'al n sarà mai librâ da cla cundisiòṅ lè e c'n un fîł 'd vóś al bacàja in dla sò mènt «S.O.S. jutâ'm».
Al vìddeo di Metallica
In dal 1989 al grup metal di Metallica 'l à mis soquànti parti dal film in dal vìddeo dla canta One, ch'la tōś pròpria riferimènt da 'l lìbar ad Trumbo.