Cercasi Susan disperatamente

C'l artìcul chè 'l è scrit in Miranduléś Emiliàn

Desperately Seeking Susan
Cercasi Susan disperatamente

La Madonna in na figùra dal film
A s pésca la Susan daspradamènt
1985
Regìa: Susan Seidelman
Scritōr: Leora Barish
Atōr: MadonnaRosanna ArquetteRobert Joy
John TurturroSteven WrightLaurie Metcalf
Aidan QuinnMark BlumGiancarlo Esposito
Müsica: Stephen Bray
Madonna • Thomas Newman
Léngua: Ingléś
Dürä dal film: 104 minüt
Nasiōṅ: Stat Unî


«
Na vita acsè scandalóśa la gh'à biśógn ad dū dóni p'r èsar visùda.»
(Tagline dal film)


Cercasi Susan disperatamente (A s pésca la Susan daspradamènt) 'l è na cumèdia americàna dal 1985 dla Susan Seidelman preśentàda a 'l 38śum Fèstival ad Cannes in dla sesiòṅ Quinzaine des Réalisateurs.

Al film 'l à fat sù óltar 27 migliòṅ ad dòlar, un sucès dimóndi grand esénd custâ sōl quàt'r e mèś.

La cantànta Madonna la canta par la culòna sunóra dal film al braṅ Into the Groove.

Sunt

La Roberta Glass (Rosanna Arquette), na raśdóra ch'la pésca sèmp'r al śnum ma l'è vilìda da la sò vita, l'è spuśàda cun cla piva ad sò marè Gary (Mark Blum) ch'al lavóra di dal camp di afâr. Lì lē la s pasa 'l tèmp lśénd di anùnsi in si giurnài e 'n dè la buta 'l òć in òṅ da 'l tìtul “A s pésca la Susan daspratamènt”, publicâ da 'l sò muróś Jim (Robert Joy).

La decìd acsè ad savér-an da piò par capìr chi è-la pò cla Susan lè, na rock star fóra ad tèsta. La Roberta la s lóga par guardàr 'l incóntar fra i dū e quànd quàla là la buta via al sò giubòt ad pèl, la 'l tōś lē sénsa savér ch'la Susan l'iva péna rubâ a 'n sò amànt 'd un dè dū buclèṅ ch'i cóst'n un muć ad bèsi e par cal mutìṿ lè lē la gh'à 'n sicàri ch'al gh tîṅ adrē.

Cun al giubòt adòs, la raśdóra la vèṅ cardùda cl'atra e par lē i tàc'n i guàj anc parchè la pèrd la memòria in cal méntar.

Culegamènt estéran