Cēşa ed Sân Jâchem

C'l artìcul chè 'l è scrit in Arzân

La cēşa ed Sân Jâchem (chiesa di San Giacomo Maggiore in italiân) l'é 'na cêsa in Via Asseverati a la Maşòun, int al cmûn ed Rèz. La cēşa l'é ânca al sît ed la parôchia cun l'istès nom, sòta 'l vicariê ed Rubēra-Scandiân ed la Diôceşa ed Rez – Guastâla

Stôria

L'é stêda fundêda, insèm a l'uspdêl l'é atâch, da un têl Giovanni Di Bernrdo Normanno int al 1133. Dal 1302 l'è stêda di Cavalēr dal Règn ed Geruşalèm (Cavalieri Gerosolimitani in italiân) ed la cumènda ed Sân Stēven ed Rèz, per còst la vîn ciamêda ed la Maşòun dal francèiş maison. Al fabrichêt dal dé 'd incô l'é stê tirê só int al 1773 inséma a ûn pió antîg e pió cèch, J ûltem restâver impurtânt în stê fât int al 1904 e int al 1927.

Spiegasiòun

A l'intêren ed la cēşa a gh'é trèi pilèti ed l'âcva sânta, óna ed còsti in mêlmer cun rilēv a tèsta ed bèstia, dal '400. Al j êtri dō a preşèinten ed j adôb a fujâm, óna dal dû la preşèinta 'n' inscrisiòun dal 1503. Int l'âbsida, al'intêren ed 'na curnîş in gès a gh'é al quêder dal Sesèint cun al martéri ed Sân Jâchem. A gh'în, int j altêr pió céch, al stâtvi ed la Madòna dal Ruşâri, ed Sânta Terēşa, ed Sânt'Antòni da Pâdva, ed la Beâta Vērgin ed Luordes e dal Sâcher Cōr ed Gesó. Intv al parèidi ed la cēşa, dèinter a dal néci, a gh'în al stâtvi in gès ed Sân Jâchem, Sân Juşèf, Sân Prôsper e 'd l' Arcânzel Michēl.

Elèinch di léber

Ferdinando Fabbi Guida di Reggio nell'Emilia-Città del Tricolore, Reggio nell'Emilia, 1962

Vōş coleghêdi

Nôta: cla pâgina ché l'é stêda inviêda cun 'na tradusiòun da San Giacomo Maggiore (Reggio Emilia) trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.