Cēşa ed Sân Stēven (Rèz)
| C'l artìcul chè 'l è scrit in Arzân | 
|
Artécol in dialèt arzân
La cēşa ed Sân Stēven (chiesa di Santo Stefano in italian) l'é un impurtânt fabrichêt religiōs ed Rèz, in Via Emélia Sân Stēven.
Stōria e speigasiòun
L'é in 'na piasèta céca insém a la Via Emélia, la dà al nòm al quartēr l'é datōren e a la pôrta dal mûri ed la sitê. La facêda, ch' la dà int al piasèta, la 's presèinta cme un pôrdegh a tót tònd, cun clunèini in prēda, rinfursêdi da pôch. Cgnusûda fîn dal 1130, l'é dvintêda, trèintun ân dôp, proprietê di Templêr. Mésa dènt'r al mûri nōvi ed la, sitê int al 1208, la cēşa cun la scanşladûra di Cavalēr dal Tèimpi, l'é pasêda a i Cavalēr ed Malta, che l'àn tgnûda fîn al 1696, quând l'é stêda tōta da i frê ed Sân Fracèsch da Paola che, un sècol pió têrd (1794) la dân a i Carmelitani Calzati. Sarêda cun la scanşladûra de sté ōrdin int al 1798, la vîn avêrta dēş ân pió têrd. Tr' al 1926 e al 1927 la vōlta d'ed dèinter fâta a cruşēra, la vîn cambiêda a bòta. Int al 1953 în stêdi catêdi clòuni cun al capitèl ed préiod rumânich, ritgnûdi al pió antîghi catêdi in sitê. Da segnalêr, insém a l'altêr ed dréta 'na tèila cun Sân Francèsch da Paola ed Carlo Cignani, ed chiló o dal Calletti la Decapitasiòun ed Sân Zvân Batésta int un altêr a mansèina. Int al têrs altêr a gh'é 'na tèila cun Sân Zvân Evangelésta e Sân Stēven
Collegamèint d'ed fōra
Nôta: cla pâgina ché l'é stêda inviêda cun 'na tradusiòun da Chiesa di Santo Stefano (Reggio Emilia) trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.