Boise City
|
C'l artìcul chè 'l è scrit in
Miranduléś |
Boise City (a s lèś /ˈbɔɪs ˈsɪtɪ/ in Ingléś) 'l è 'n paiśèṅ di Stat Unî ad mila-e-sènt abitànt a 'l incìrca ch'al s cata in dal stat d'l Oklahoma, a 'l sèntar dla cuntèa quadràda 'd Cimarron.
Da Boise City a s viàśa in di stat lè davśèṅ, Culuràdo, Kànsas, Mèsic Nóṿ e Tèxas, in gnanc n'óra 'd arlói. Al sò clima 'l è sémi-sut cun na bèla difarènsa fra 'l temperadùri da 'l giōr'n a la nòt (śóta śèr in mèdia da Nuvémb'r a Mars) anc parchè la s cata a 1.270 mét'r ad sōv'r a 'l livèl dal mâr.
L'è stada fundàda in dal 1908 da dū speculadōr, J.E. Stanley e A.J. Kline, pò finî in parśòṅ p'r avér infnuciâ la gint ch'i ìvan cumprâ chè di sit ad tèra cardénd ch'la fus na sità. In di an Trénta l'à patî na timpèsta 'd pólvra e durànt la secónda guèra mundiàla la sò piàsa l'è stada bumbardàda par śbali durànt n'esercitasiòṅ.
La sò ecunumìa la pōl cuntàr su la prudusiòṅ dal gas e dal petròli e su la cultivasiòṅ di camp.
Persunàǵ ligâ a Boise City
- Vera Miles, atōra